Health Tips: జిమ్‌కి వెళ్లట్లేదా? ఇంట్లోనే ఈ సింపుల్ వ్యాయామాలు చేయండి

వర్షంలో బయటకు వెళ్లకపోయినా, వ్యాయామాలు చేయడం ఆపకండి. ఇంట్లోనే మీ కోసం మినీ జిమ్‌ను సృష్టించుకోవచ్చు. కావలసిందల్లా సంకల్పమే. 

వ్యాయామం ప్రారంభించే ముందు శరీరం వేడెక్కడం (వార్మప్) తప్పని సరి. 30 సెకన్ల జంపింగ్ జాక్స్ అలాంటి వార్మప్ చేయడం వల్ల హృదయ స్పందన రేటు పెరుగుతుంది. కండరాలు యాక్టివ్ అవుతాయి.

ప్రతీ రోజు 15 నుంచి 20 స్క్వాట్స్ చేయాలి. ఇవి చేయడం వల్ల శరీరం మొత్తం బలంగా మారి శరీర పనితీరు మెరుగ్గా అవుతుంది. కాబట్టి, రెగ్యులర్‌గా చేయడం మంచిది.

శరీరానికి సరైన ఆకారం ఇవ్వడానికి ఉత్తమ వ్యాయామం పుష్-అప్స్. ఇవి ఛాతీ, భుజాలు, చేతులు, కోర్ కండరాలను బలోపేతం చేస్తాయి. మీ సామర్థ్యాన్ని బట్టి సంఖ్యను పెంచండి. 

ప్లాంక్ అనేది కోర్ కండరాలను బలోపేతం చేసే వ్యాయామం. ఇది శరీర బరువును నేలపై ఉంచి, క్రమంగా బాడీ బ్యాలెన్స్ ను వెన్నుభాగం పైకి తీసుకరావడం. ఇవి డైలీ 10 -15 సెట్స్ చేయండి. 

ఇంట్లో పరుగెత్తడం కొంచెం వింతగా అనిపించవచ్చు, కానీ కొవ్వు తగ్గడానికి పది నిమిషాలు ఉన్న చోటే జాగింగ్ చేయండి. ఇలా చేస్తే..రక్త ప్రసరణ మెరుగుపడి.. గుండె పనితీరు బాగుపడుతుంది. 

మనస్సు, శరీరం, శ్వాసల అద్భుతమైన కలయిక యోగా. సూర్య నమస్కారాలు, భుజంగాసనం, వజ్రాసనం వంటి యోగాసనాలు జీర్ణక్రియకు మెరుగుపర్చడమే కాకుండా ఏకాగ్రత పెంచడానికి ఉపయోగపడుతుంది.