Lifestyle
కలబందలో ఎన్నో ఔషదగుణాలు ఉంటాయి. కలబంద జెల్ కూడా డార్క్ సర్కిల్స్ ను తగ్గిస్తుంది. ఇందుకోసం కలబంద జెల్ ను తీసుకుని కళ్ల కింద అప్లై చేసి 10-15 నిమిషాల తర్వాత కడిగేయండి.
కీరదోసకాయ మన శరీరాన్ని చల్లగా ఉంచడమే కాదు.. ఎన్నో చర్మ సమస్యలను కూడా తగ్గిస్తుంది. చల్లని దోసకాయను వృత్తాకారంలో కట్ చేసి మీ కళ్లపై 10-15 నిమిషాలు ఉంచండి.
పసుపు మన చర్మానికి చేసే మేలు ఎంతో. టీ స్పూన్ పసుపులో కొన్ని చుక్కల పైనాపిల్ రసం కలిపి కళ్ల కింద అప్లై చేసి 10-15 నిముషాలు అలాగే వదిలేయండి.
రోజ్ వాటర్ కూడా డార్క్ సర్కిల్స్ ను తొలగిస్తుంది. ఇందుకోసం చల్లని రోజ్ వాటర్ లో ముంచిన దూదిని కళ్లపై పెట్టుకుని 10-15 నిమిషాల పాటు ఉంచండి.
బాదం నూనె చర్మ సమస్యలను తగ్గిస్తుంది. రాత్రి పడుకునే ముందు కొన్ని చుక్కల బాదం నూనె తీసుకుని కళ్ల చుట్టూ పెట్టి కొద్దిసేపు మసాజ్ చేయండి. ఇలా చేస్తే డార్క్ సర్కిల్స్ పోతాయి.
రాత్రిపూట నానబెట్టిన ఒక చెంచా మెంతులను పొద్దున్నే గ్రైండ్ చేసి 10-15 నిమిషాల పాటు కళ్ల కింద అప్లై చేయండి. దీంతో కళ్ల చుట్టూ నల్ల మచ్చలు పోతాయి.
పుదీనా ఆకులు కూడా డార్క్ సర్కిల్స్ ను పోగొడుతాయి. ఇందుకోసం పుదీనా ఆకులను గ్రైండ్ చేసి దాని రసం తీసి కళ్ల కింద అప్లై చేసి 10-15 నిమిషాలు అలాగే వదిలేయాలి.