తొందరగా నిద్ర పట్టాలంటే ఏం చేయాలి

నిద్రలేమి చిన్న సమస్యగా అనిపించినా ఇది ఎన్నో శారీరక, మానసిక సమస్యలకు దారితీస్తుంది. అయితే కొన్ని రకాల ఆహారాలు మీకు బాగా నిద్రపట్టేలా చేస్తాయి. అవేంటంటే?

అరటి పండ్లు నిద్రలేమిని తగ్గించడానికి బాగా సహాయపడతాయి. ఈ పండ్లలో ఉండే మెగ్నీషియం, పొటాషియం కండరాల సడలింపునకు సహాయపడతాయి. దీంతో మీకు బాగా నిద్రపడుతుంది.

గోరువెచ్చని పాలు తాగినా మీకు బాగా నిద్రపడుతుంది. వేడి పాలలో ఉండే ట్రిప్టోఫాన్ మీకు తొందరగా నిద్రపట్టేలా చేస్తుంది. 

ఓట్స్ మన ఆరోగ్యానికి చేసే మేలు అంతా ఇంతా కాదు. వీటిలో సెరోటోనిన్ ఉత్పత్తికి సహాయపడే సంక్లిష్ట కార్బోహైడ్రేట్‌లు పుష్కలంగా ఉంటాయి.ఇవి మీకు బాగా నిద్రొచ్చేలా చేస్తాయి.

సెరోటోనిన్ నిద్రను నియంత్రించడానికి, నిద్రలేమిని తగ్గించడానికి సహాయపడుతుంది.

బాదం కూడా మీకున్న నిద్రలేమి సమస్యను తగ్గించడానికి సహాయపడుతుంది. రోజూ బాదం పప్పులను తింటే మీకు బాగా నిద్రపడుతుంది.