బ్రెష్ లేకుండానే బాటిల్ క్లీన్ చేసే ఈజీ టిప్స్!

రాగి బాటిల్‌లో కొద్దిగా నీళ్లు, నిమ్మరసం, ఉప్పు వేయాలి. బాటిల్‌ను బాగా షేక్ చేసి 20 నిమిషాల పాటు వదిలేయాలి. ఆ తర్వాత శుభ్రమైన నీటితో కడిగితే బాటిల్ కొత్తదానిలా మెరుస్తుంది.

స్టీల్ వాటర్ బాటిల్‌లో ఒక చెంచా బేకింగ్ సోడా, కొన్ని బియ్యం, వేడి నీళ్లు పోయాలి. బాటిల్‌ను బాగా షేక్ చేసి.. 15 నిమిషాల తర్వాత డిష్‌వాష్ లిక్విడ్‌తో కడిగితే మురికి, వాసన పోతాయి.

ప్లాస్టిక్ బాటిల్‌లో గోరువెచ్చని నీళ్లు, కొద్దిగా వెనిగర్, కొన్ని బియ్యం వేయాలి. బాగా షేక్ చేసి 15 నిమిషాలు వదిలేయాలి. ఆ తర్వాత లిక్విడ్ సోప్‌తో కడిగితే కొత్తదానిలా మారుతుంది.

గాజు వాటర్ బాటిల్‌లో కొద్దిగా నీళ్లు, లిక్విడ్ సోప్, ఒక చెంచా బియ్యం వేయాలి. 30 సెకన్ల పాటు గట్టిగా షేక్ చేయాలి. లోపల ఉన్న మురికిని బియ్యం ఈజీగా, పూర్తిగా శుభ్రం చేస్తాయి.

బాటిల్ మూతి సన్నగా ఉండి, బ్రెష్ లోపలికి వెళ్లకపోతే.. బియ్యం, ఉప్పు లేదా బేకింగ్ సోడా వంటివి బాగా ఉపయోగపడతాయి. ఇవి లోపల పేరుకున్న మురికిని సులభంగా తొలగిస్తాయి.