మిగిలిపోయిన క్లాత్ ముక్కలతో అద్భుతమైన లెహంగాలు

రకరకాల రంగులు, ప్రింట్లు, ఎంబ్రాయిడరీ ఉన్న క్లాత్ ముక్కలను స్క్వేర్ లేదా మీకు నచ్చిన ఆకారంలో కట్ చేసుకోవాలి. వీటన్నింటినీ ఒక డిజైన్‌లా కలిపి కుడితే.. లెహంగా రెడీ అవుతుంది.

మీ దగ్గర కాటన్ ఫ్యాబ్రిక్ ముక్కలు ఉంటే, వాటితో కాటన్ ప్యాచ్‌వర్క్ లెహంగా కుట్టించుకోవచ్చు. బగ్రు, ఇండిగో, అజ్రఖ్, కలంకారి ప్రింట్ల ప్యాచ్‌లను కలిపి కుట్టిన లెహంగా చాలా బాగుంటుంది.

వర్టికల్ స్ట్రిప్స్‌తో చేసిన ప్యాచ్‌వర్క్ లెహంగా కూడా చాలా అందంగా కనిపిస్తుంది. ఇందులో రకరకాల రంగులు, ప్రింట్లు ఉన్న పొడవాటి పట్టీలను కలిపి కుడతారు.

రకరకాల రంగుల్లో ఉన్న ప్లెయిన్ ఫ్యాబ్రిక్ ప్యాచ్‌లతో అదిరిపోయే కలీదార్ లెహంగా తయారు చేసుకోవచ్చు. మధ్య మధ్యలో గోల్డెన్ సీక్విన్స్, మిర్రర్ వర్క్ ప్యాచ్‌లు జోడిస్తే లుక్ అదిరిపోతుంది.

మీ దగ్గర పాత చున్రీ లేదా బాంధనీ దుపట్టాలు ఉంటే, వాటిని ప్యాచ్‌వర్క్ లెహంగా తయారీకి వాడుకోవచ్చు. చున్రీ ప్రింట్‌ను నిలువుగా కట్ చేసి లెహంగా కుట్టించుకోవచ్చు.

వైట్ ప్లెయిన్ లెహంగాను కూడా రంగురంగుల ప్యాచ్‌లతో అలంకరించవచ్చు. పసుపు, ఎరుపు, బ్లూ వంటి బ్రైట్ కలర్స్‌లో ఉన్న ట్రయాంగిల్ ప్యాచ్‌లను లెహంగా కింది భాగంలో అటాచ్ చేయాలి.

ట్రెడిషనల్ లుక్ కోసం ఓం-స్వస్తిక్ ప్యాచ్‌వర్క్ లెహంగాను ఎంచుకోవచ్చు. ఇందులో లెహంగా బోర్డర్ భాగంలో ఓం, స్వస్తిక్, త్రిశూలం వంటి ఆధ్యాత్మిక చిహ్నాల ప్యాచ్‌లను అటాచ్ చేస్తారు.