చేపల ఇగురు వాసన రాకూడదంటే చేపలు ఇలా క్లీన్ చేయండి

పాతకాలం నాటి  సింపుల్ చిట్కాలతో చేపలు నీచు వాసన రాకుండా ఇగురు, పులుసు వంటివి ఘుమఘుమలాడిపోయేలా వండుకోవచ్చు.

చేపల నీచు వాసన పోగొట్టేందుకు ఒక కప్పు కార్న్‌ఫ్లోర్, మూడు టేబుల్ స్పూన్ల నిమ్మరసం కలిపి చేప ముక్కలకు బాగా రాయండి. 

చేప ముక్కలను ఒక గిన్నెలో వేసి అందులో  గ్లాసు పాలు లేదా కొద్దిగా పెరుగు వేసి 30 నిమిషాల పాటు అలా ఉంచండి. ఆ తర్వాత గోరువెచ్చని నీటితో కడిగితే నీచు వాసన రాదు.

కొన్ని రకాల చేపలు మరీ ఎక్కువ నీచు వాసన వస్తాయి. అలాంటి సమయంలో ఒక గ్లాసు నీటిలో కొద్దిగా వెనిగర్ కలిపి, ఆ నీటితో చేపలను కడిగితే వాసన పోతుంది.

చేపల పులుసు లేదా ఇగురు వండేటప్పుడు చేపల వాసన రాకుండా ఉండాలంటే  కొంచెం ఎక్కువగా అల్లం-వెల్లుల్లి పేస్ట్,  పసుపు వేయండి. ఇది నీచు వాసనను పోగొడుతుంది.

చేపల ఇగురు లేదా పులుసు టేస్టీగా రావాలంటే మెంతులు, ధనియాలు, జీలకర్ర బాగా వేయించి పొడి చేసి దాన్ని కూరలో కలపండి.

మిగతా కూరలతో పోలిస్తే చేపల ఇగురుకు, పులుసుకు నూనె అధికంగా వేయాలి. నూనె పైకి తేలే వరకు మరిగించాలి.