చాణక్య నీతి: మీకు నిజమైన స్నేహితులు, బంధువులు ఎవరో తెలుసా?

భారతదేశ గొప్ప పండితులలో ఆచార్య చాణక్య ఒకరు. ఆయన తన నీతిలో మనకు నిజమైన స్నేహితులు, బంధువుల విషయంలో ఆరు విషయాలను గురించి ప్రస్తావించారు.

ఆతూరే వ్యసనే ప్రాప్తే దుర్భిక్షేత్రే శత్రుసంకటే | రాజద్వారే శ్మశానే చ యస్తిష్ఠతి స బాంధవః |

ఆచార్య చాణక్య ప్రకారం అనారోగ్య సమయంలో మీతో ఉండి సహాయం చేసే వ్యక్తే మీ నిజమైన మిత్రుడు.

ప్రతి ఒక్కరి జీవితంలో ఎప్పుడో ఒకప్పుడు దుఃఖం కలుగుతుంది. చాణక్య ప్రకారం దుఃఖ సమయంలో తోడుండేవారే నిజమైన బంధువులు.

కరువు వచ్చినప్పుడు, ఆహారం దొరకనప్పుడు తోడుండేవాడే నిజమైన మిత్రుడు.

ఎవరితోనైనా గొడవ జరిగినప్పుడు, ధైర్యంగా మీ వెన్నంటే ఉండేవాడే నిజమైన మిత్రుడు.

కోర్టు కేసులో చిక్కుకున్నప్పుడు తోడుండేవారే నిజమైన మిత్రులు, బంధువులు.

కుటుంబంలో ఎవరైనా చనిపోయినప్పుడు, ఒంటరిగా ఉన్నప్పుడు తోడుండేవారే నిజమైన మిత్రులు, స్నేహితులు.