కడుపు నొప్పితో ఇబ్బంది పడుతున్నారా.? సింపుల్‌ చిట్కాలు..

కడుపు సంబంధిత సమస్యలను దూరం చేయడంలో జీలకర్ర మెరుగ్గా పనిచేస్తుంది. రాత్రంతా నానబెట్టిన నీటిని ఉదయాన్నే తాగడం వల్ల కడుపు నొప్పి నుంచి ఉపశమనం లభిస్తుంది. 

అల్లంలో ఉన్న ఎన్నో మంచి గుణాలు కడుపు నొప్పిని దూరం చేయడంలో ఉపయోగపడుతుంది. కడుపు నొప్పిగా ఉన్న సమయంలో చిన్న అల్లం ముక్కను నోట్లో వేసుకుంటే వెంటనే ఫలితం ఉంటుంది. 

విపరీతమైన కడుపు నొప్పితో బాధపడుతున్న సమయంలో ఒక గ్లాసు దానిమ్మ జ్యూస్‌ తీసుకోవాలని నిపుణులు చెబుతున్నారు. ఇది కడుపు నొప్పిని తగ్గించడంలో ఉపయోగపడుతుంది. 
 

కడుపు నొప్పిగా ఉంటే తెలుసుకోవాల్సిన మరో విషయం సరిపడ నీటిని తాగుతున్నారా లేదా.? కొన్ని సందర్భాల్లో నీరు తాగకపోయినా జీర్ణ సమస్యలు తలెత్తి కడుపు నొప్పికి దారి తీస్తుంది. 

కడుపు నొప్పిని తగ్గించడంలో వాము బెస్ట్ ఆప్షన్‌గా చెప్పొచ్చు. భోజనం చేసిన వెంటనే వాములో కొంత ఉప్పు కలుపుకుని తీసుకుంటే ఆహారం జీర్ణమవుతుంది.

కడుపు విపరీతంగా నొప్పి ఉంటే అలాగే కదలకుండా కూర్చోకూడదు. అటు, ఇటు నడవాలి ఇలా చేయడం వల్ల కడుపులో కండరాలు వదులుగా మారి నొప్పి నుంచి ఉపశమనం లభిస్తుంది.

ఇవి కేవలం ప్రాథమిక సమాచారం మేరకు మాత్రమే. కడుపు నొప్పి మరీ తీవ్రంగా ఉన్నా, దీర్ఘకాలంగా ఉన్నా వెంటనే వైద్యులను సంప్రదించడం ఉత్తమం.