మనలో కొందరు ఇచ్చిన అప్పును తిరిగి అడిగేందుకు మొహమాటపడుతుంటారు. అయితే ఇచ్చిన అప్పు తిరిగి రావాలంటే కచ్చితంగా సిగ్గు, మొహమాటం లాంటి వాటిని వదిలి పెట్టాలని చాణక్య నీతిలో పేర్కొన్నాడు.
తినే ఆహారం విషయంలో కూడా సిగ్గుపడకూడదు. మంచి ఆహారం తీసుకుంటేనే శరీరానికి కావాల్సిన శక్తి లభిస్తుంది. ఆలోచన శక్తి మెరుగ్గా ఉంటుందని కాబట్టి తిండి విషయంలో అస్సలు సిగ్గు పడొద్దు.
చాలా మంది కొత్తది ఏదైనా నేర్చుకునే సమయంలో సిగ్గు పడుతుంటారు. అయితే ఇది ఏమాత్రం మంచి అలవాటు కాదు. సిగ్గు అనేది నేర్చుకునే క్రమాన్ని అడ్డుకుంటుంది.
కొందరు తమలోని అభిప్రాయాలను లోపలే దాచుకుంటారు. అయితే మీ అభిప్రాయాన్ని నిర్భయంగా వ్యక్తం చేయాలి. తప్పు అనిపిస్తే తప్పు అని చెప్పేయాలి. నచ్చని చోట మొహమాటంగా కూడా ఉండకూడదు.
చేసే పని విషయంలో సిగ్గు పడే వారు జీవితంలో పైకి రారు అనేది చాణక్య నీతిలో స్పష్టంగా పేర్కొన్నారు. ఇలాంటి పనుల్లో సిగ్గు పడితే ఆర్థికంగా నష్టపోతారు.
మనిషి సంఘ జీవి. నలుగురితో మాట్లాడితేనే ప్రయోజనాలు ఉంటాయి. అలా కాకుండా కొందరు నలుగురితో మాట్లాడే సమయంలో సిగ్గు పడుతుంటారు. దీని ద్వారా కమ్యూనికేషన్ గ్యాప్ వచ్చి ఇబ్బందులు వస్తాయి.