సాధారణంగా విటమిన్ సి అనగానే నారిజం అనుకుంటాం. కానీ జామలో కూడా పుష్కలమైన విటమిన్ సి ఉంటుంది. ఇది రోగ నిరోధక శక్తిని పెంచడంలో కీలక పాత్ర పోషిస్తుందని నిపుణులు చెబుతున్నారు.
డయాబెటిస్ పేషెంట్స్ జామ కాయ తినడానికి వెనుకడుగు వేస్తుంటారు. కానీ జామలో ఫైబర్ కంటెంట్ పుష్కలంగా ఉంటుంది. ఇది రక్తంలో షుగర్ లెవల్స్ ను కంట్రోల్ లో ఉంచుతుంది.
గుండె ఆరోగ్యాన్ని సంరక్షించడంలో కూడా జామ కాయ బాగా ఉపయోగపడుతుంది. ఇందులోని పొటాషియం కంటెంట్ రక్తపోటును నియంత్రిస్తుందని పలు అధ్యయనాల్లో వెల్లడైంది.
బరువు తగ్గాలనుకుంటున్నారా? అయితే రోజూ కచ్చితంగా జామకాయను ఆహారంలో భాగం చేసుకోవాలని నిపుణులు చెబుతున్నారు. ఇందులోని ఫైబర్ కంటెంట్ త్వరగా కడుపు నిండిన భావన కలిగేలా చేస్తుంది.
జామలో ఉండే డైటరీ ఫైబర్ కంటెంట్ కడుపును శుభ్రపరచడానికి సహాయపడుతుంది. ఇది మలబద్ధకం, అజీర్తి వంటి సమస్యలను దూరం చేయడంలో కీలక పాత్ర పోషిస్తుంది.
జామలోని యాంటీ ఆక్సిడెంట్స్, ఔషధగుణాలు శరీరంలో క్యాన్సర్ కణాల వృద్ధిని అడ్డుకోవడంలో ఉపయోగపడుతుందని. పలు అధ్యయనాల్లో వెల్లడైంది.
జామ కాయలో విటమిన్ ఏ పుష్కలంగా లభిస్తుంది. ఇది కంటి చూపును మెరుగుపరిచేందుకు సహాయపడుతుంది. కేటరాక్ట్ వంటి సమస్యలు రాకుండా అడ్డుకోవడంలో జామ కాయ ఉపయోగపడుతుంది
పైన తెలిపిన వివరాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.