Lifestyle
రూపాయి షాంపూ ప్యాకెట్ ని నీటిలో కలిపి మీ ఇంట్లో ఉన్న అన్ని షూలు, చెప్పులను ఓ క్లాత్ లేదా బ్రష్ సహాయంతో క్లీన్ చేయండి. కొత్త వాటిలా మెరిసిపోతాయి.
మీ హెయిర్ బ్రష్ , దువ్వెనలను షాంపూతో వేడి నీటిలో నానబెట్టండి, అందులో రూపాయి షాంపూ కూడా వేయాలి. . ఇది నూనె, మురికి పోగొడుతుంది.
మీ మేకప్ బ్రష్‌ల నుండి మేకప్ రేణువులు , నూనెను తొలగించడానికి షాంపూ సహాయపడుతుంది. బ్రష్‌లపై షాంపూను పూయండి, బాగా కడిగి, ఆరనిస్తే సరిపోతుంది.
నగలను శుభ్రం చేయడానికి షాంపూ చాలా ప్రభావవంతంగా ఉంటుంది. నీటిలో కొన్ని చుక్కల షాంపూను కలిపి, మీ నగలను నానబెట్టి, టూత్ బ్రష్‌తో తేలికగా రుద్దండి.
మీరు స్పాంజిలో షాంపూను వేసి మీ బాత్రూమ్ కుళాయిలు ,సింక్‌లను శుభ్రం చేయవచ్చు. ఇది కుళాయిలను మెరిసేలా చేస్తుంది నీటి మరకలు , సబ్బు మరకలను తొలగించడంలో సహాయపడుతుంది.
దుస్తులపై మరకలను శుభ్రం చేయడానికి షాంపూను ఉపయోగించవచ్చు. మరకపై షాంపూతో సున్నితంగా రుద్దండి, కొన్ని నిమిషాలు అలాగే ఉంచి, ఆపై కడగాలి.
కారు సీట్లు, డాష్‌బోర్డ్ , డోర్ ప్యానెల్‌లను తుడవడానికి ₹1 షాంపూ ప్యాకెట్ చాలా ఉపయోగకరంగా ఉంటుంది. ఇది తేలికైనది , ఆహ్లాదకరమైన సువాసనను వెదజల్లుతుంది.
నీటిలో షాంపూను కలిపి అద్దాలు , గాజు ఉపరితలాలను తుడవండి. ఇది దుమ్ము, మరకలు , వేలిముద్రలను తొలగించడంలో సహాయపడుతుంది.
షాంపూను నీటిలో కలిపి టైల్స్, నేలలను తుడవడానికి లేదా మూలలను శుభ్రం చేయడానికి ఉపయోగించవచ్చు. దీన్ని నీటితో కలిపి స్క్రబ్‌తో శుభ్రం చేయండి.