మీలో ఈ లక్షణాలు కనిపిస్తున్నాయా... విటమిన్ డి లోపించినట్టే!

విటమిన్ డి తగ్గితే రోగనిరోధక శక్తి తగ్గి సీజన్ వ్యాధులు వచ్చే అవకాశం ఉంది.

శరీరంలో విటమిన్ డి లోపం ఉంటే.. కాల్షియం శోషణ తక్కువ అవుతుంది, దీనివల్ల ఎముకలు బలహీనపడతాయి. వివిధ ఎముకల సమస్యలు వస్తాయి.

విటమిన్ డి తగ్గితే కండరాల బలహీనత, నొప్పులు వస్తాయి.

విటమిన్ డి లోపం వల్ల డిప్రెషన్, ఆందోళన వంటి మానసిక మార్పులు రావచ్చు. విటమిన్ డి తగ్గితే సెరోటోనిన్, మెలటోనిన్ ఉత్పత్తి తగ్గుతోంది. ఇది మానసిక స్థితి, నిద్రపై ప్రభావం చూపిస్తుంది.  

జుట్టు రాలడానికి విటమిన్ డి స్థాయిలు తక్కువ ఉండటం కూడా ఓ కారణం. జుట్టు రాలడానికి పోషకాల లోపంతో పాటుగా ఒత్తిడి, ఆందోళనలు కూడా కారణం కావచ్చు.

ఎక్కువగా చెమట, గాయాలు త్వరగా మానకపోవడం విటమిన్ డి తగ్గిపోవడం కావచ్చు.

విటమిన్ డి లోపం (deficiency) వల్ల అలసట ఎక్కువగా ఉంటుంది. విటమిన్ డి శరీరానికి చాలా అవసరం. ఇది ఎముకలు, కండరాలు, రోగనిరోధక వ్యవస్థను బలోపేతం చేయడానికి సహాయపడుతుంది. 

పైన చెప్పిన లక్షణాలు ఉంటే మీరే రోగ నిర్ధారణ చేసుకోకుండా డాక్టర్ ని  సంప్రదించండి. ఆ తర్వాతే రోగ నిర్ధారణ చేయించుకోండి.