Hair Growth: జుట్టు తెగ రాలిపోతుందా? ఈ అలవాట్లతో చెక్ పెట్టండి​!

తరచుగా తలస్నానం చేస్తే నెత్తిపై ఉండే సహజ నూనెలు తొలగిపోతాయి, దీనివల్ల నెత్తి చర్మం పొడిబారి జుట్టు రాలిపోతుంది. 

తగినంత ప్రోటీన్ లేకపోవడం వల్ల జుట్టు పెళుసుగా మారి, రాలిపోతుంది. ఐరన్ లోపం వల్ల జుట్టు పల్చబడుతుంది. బయోటిన్, విటమిన్ డి, జింక్ వంటి ముఖ్యమైన విటమిన్లు జుట్టు ఆరోగ్యం కోసం అవసరం.

తడి జుట్టు దువ్వడం సరైన పద్దతి కాదు. పొడి జుట్టు కంటే తడి జట్టు సులభంగా విరిగిపోతుంది. నీరు జుట్టు ప్రోటీన్ నిర్మాణాన్ని బలహీనపరుస్తుంది. దీనివల్ల జుట్టు మరింత పెళుసుగా మారుతుంది.

చాలా మంది స్టైల్ కోసం జుట్టును గట్టిగా బంధించి ఉంచుతారు. ఇది పెద్ద పొరపాటు. జుట్టు గట్టిగా బంధించడం వల్ల తగిన రక్తప్రసరణ అందదు. దీంతో, జుట్టు బలహీనంగా మారి రాలిపోతుంది.

హెయిర్ స్ట్రెయిట్నెర్ వాడటం వల్ల జుట్టు బలహీనపడుతుంది. వేడి చేయడం వల్ల జుట్టులోని ప్రోటీన్ బంధాలు విచ్ఛిన్నమవుతాయి. జుట్టు పొడిబారి, విరిగిపోయేలా చేస్తాయి.