Liver Health: ఈ కూరగాయలు తింటే.. లివర్‌ ఆరోగ్యంగా ఉంటుంది !

బీట్‌రూట్ లో నైట్రేట్లతో సమృద్ధిగా ఉంటుంది. ఇవి కాలేయ ఆరోగ్యానికి చాలా మంచివి.  బీట్‌రూట్ రసం కూడా కాలేయానికి చాలా మేలు చేస్తూ, రక్త ప్రసరణను మెరుగుపరుస్తుంది.

బ్రోకలీ లో సల్ఫర్ అధికంగా ఉంటుంది. ఇది లివర్‌లోని విష పదార్థాలను తొలగించడంలో సహాయపడుతుంది. బ్రోకలీలో ఉండే సల్ఫర్, కాలేయ ఎంజైమ్‌లను సక్రియం చేస్తుంది. 

ఉల్లిపాయల్లో ఉండే సల్ఫర్ సమ్మేళనాలు కాలేయం పనితీరును మెరుగుపరుస్తాయి. కొన్ని రకాల కాలేయ వ్యాధులను నివారించడంలో సహాయపడతాయి.  

పాలకూరలో విటమిన్ సి, ఇ, బీటా కెరోటిన్ వంటి పోషకాలు ఉండటం వల్ల ఇది లివర్‌కు మేలు చేస్తుంది. ఈ పోషకాలు లివర్ పనితీరును మెరుగుపరుస్తాయి. 

క్యాబేజీలో విటమిన్ సి, యాంటీఆక్సిడెంట్లు పుష్కలంగా ఉండటం వల్ల ఇది లివర్ ఆరోగ్యానికి కూడా మంచిది. విటమిన్ సి శరీరంలో టాక్సిన్లను తొలగించడంలో సహాయపడుతుంది. 

వెల్లుల్లిలో యాంటీఆక్సిడెంట్లు, సల్ఫర్ సమ్మేళనాలు ఉన్నాయి. ఇవి కాలేయ ఆరోగ్యానికి మేలు చేస్తాయి. వెల్లుల్లిలోని యాంటీఆక్సిడెంట్లు కాలేయం పనితీరును మెరుగుపరుస్తాయి. 

ఆరోగ్య నిపుణులు లేదా న్యూట్రిషనిస్ట్ సలహా తర్వాత మాత్రమే మీ ఆహారంలో మార్పులు చేసుకోండి.