రాత్రి పూట హాయిగా నిద్ర పట్టాలంటే.. డైట్ లో ఈ మార్పులు చేయాల్సిందే..

రాత్రి ఆలస్యంగా నిద్రపోతే.. జీర్ణవ్యవస్థ క్షీణిస్తుంది. సరైన నిద్ర లేకపోతే జీర్ణవ్యవస్థను నేరుగా ప్రభావితం చేస్తుంది. గ్యాస్, అజీర్ణం, మలబద్ధకం వంటి సమస్యలను ఎదుర్కొంటారు.

నానబెట్టిన బియ్యం వండి తినడం వల్ల మంచి నిద్ర పడుతుంది. బియ్యంలో గ్లైసెమిక్ ఇండెక్స్ అనేది ఎక్కువగా ఉంటుంది. కానీ బియ్యాన్ని నానబెట్టడం వల్ల గ్లైసెమిక్ ఇండెక్స్ తగ్గుతుంది. 

 కివి పండులో విటమిన్ సి, ఈ, ఫోలేట్, యాంటీఆక్సిడెంట్లు అధికంగా ఉంటాయి. ఇవి శరీరంలో సెరటోనిన్ స్థాయిని పెంచుతాయి. సెరటోనిన్ మెరుగైన నిద్రకు సహాయం చేస్తుంది. 

బాదం శక్తివంతమైన పోషకాహారం. ఇందులో మెగ్నీషియం, హెల్తీ ఫ్యాట్స్, ప్రోటీన్లు ఎక్కువగా ఉంటాయి. ముఖ్యంగా మెగ్నీషియం మెలటోనిన్ అనే నిద్ర హార్మోన్‌ స్థాయిని పెంచుతుంది.  

సాదా చపాతీ, కాకరకాయ, దొండకాయ, బెండకాయ వంటివి తినవచ్చు.  ఇందులో పీచుపదార్థాలు ఎక్కువగా ఉండటం వల్ల త్వరగా జీర్ణమవుతుంది. 

పెరుగులో ఉండే ప్రోబయోటిక్స్ జీర్ణక్రియను మెరుగుపరుస్తాయి. పేగు ఆరోగ్యాన్ని కాపాడతాయి. పెరుగును జీర్ణించుకోవడం సులభం, ఇది జీర్ణక్రియకు సహాయపడుతుంది.

రాత్రి పడుకునే ముందు వేడి పాలు తాగితే ప్రశాంతంగా నిద్రపడుతుంది. పసుపు లేదా మిరియాలు కలిపి తాగితే జీర్ణక్రియ మెరుగుపడుతుంది.

రాత్రిపూట నూనె ఎక్కువగా ఉన్న ఆహారం, ఊరగాయలు, ఫాస్ట్ ఫుడ్, కారం ఎక్కువగా ఉన్నవి తినకూడదు. ఇవి అజీర్తి, గ్యాస్, నిద్రలేమికి కారణమవుతాయి.