Hair Care : జుట్టు బలంగా, ఒత్తుగా పెరగాలంటే.. ఈ సూపర్ ఫుడ్స్ తప్పనిసరి

పాలకూరలో ఉండే ఇనుము, విటమిన్ A, B6, C, ఫోలేట్ వంటి పోషకాలు జుట్టు వృద్ధికి సహాయపడతాయి. జుట్టు బలంగా, దట్టంగా పెరుగుతుంది.

గుడ్డు ఒక మంచి ప్రోటీన్ వనరు. ఇందులో బయోటిన్, ముఖ్యమైన అమైనో ఆమ్లాలు ఉండటంతో జుట్టు ఆరోగ్యంగా, బలంగా పెరుగుతుంది.

బాదం, వాల్‌నట్స్, ఫ్లాక్స్ గింజలు, చియా గింజల్లో ఒమేగా-3, బయోటిన్, జింక్, విటమిన్-ఇ వంటి పోషకాలు పుష్కలంగా ఉంటాయి, ఇవి జుట్టు పెరుగుదలకి సహాయపడతాయి.

ఒమేగా-3 కొవ్వు ఆమ్లాలు అధికంగా ఉన్న సాల్మన్ చేప తినడం వల్ల జుట్టు ఆరోగ్యంగా పెరుగుతుంది.

 పప్పు ధాన్యాల్లో ప్రోటీన్, ఐరన్, జింక్, బయోటిన్ వంటి పోషకాలతో పాటు ఫోలేట్ కూడా పుష్కలంగా ఉంటుంది. ఇవన్నీ జుట్టు పెరుగుదలకు, జుట్టు రాలకుండా ఉండటానికి సహాయపడతాయి.

విటమిన్ సి పుష్కలంగా ఉండే జామ, ఉసిరి, సిట్రస్ పండ్లు వంటివి తినడం వల్ల జుట్టు ఆరోగ్యం మెరుగుపడుతుంది. 

ఆరోగ్య నిపుణుడు లేదా న్యూట్రిషనిస్ట్ సలహా తీసుకున్న తర్వాత మాత్రమే ఆహారంలో మార్పులు చేయండి.