జిమ్‌కి వెళితే.. వ్యాయామానికి ఎంత సమయం తరువాత ఆహారం తీసుకోవాలో తెలుసా?

వ్యాయామం చేసిన తర్వాత లేదా జిమ్‌కి వెళ్లిన తర్వాత సుమారు అరగంట (లేదా) గంటలోపు తేలికపాటి, ఆరోగ్యకరమైన ఆహారం తీసుకోవాలి. ఇది కండరాల పెరుగుదలకు సహాయపడుతుంది.

వ్యాయామం తర్వాత వెంటనే తింటే శరీరం పోషకాలను త్వరగా గ్రహిస్తుంది. సరైన సమయంలో తినకపోతే శరీరంలో అలసట, బలహీనత, కండరాలకు నష్టం కలిగే ప్రమాదముంది.  

వ్యాయామం తర్వాత ఎక్కువ ప్రోటీన్, కార్బోహైడ్రేట్లు ఉన్న ఆహారం తినడం మంచిది. ఇది కండరాలను బలోపేతం చేసి,  శరీరానికి శక్తినిస్తుంది.

అరటిపండు, ఉడికించిన గుడ్డు, ఓట్స్, చీజ్, పెసరపప్పు, డ్రై ఫ్రూట్స్, స్మూతీ వంటివి తినడం ఆరోగ్యానికి మంచిది. ఇవి త్వరగా జీర్ణమై శరీరానికి శక్తినిస్తాయి.

వ్యాయామం చేసేటప్పుడు చెమట ఎక్కువగా పోవడం వల్ల నీటి కొరత ఏర్పడుతుంది. కాబట్టి వ్యాయామం తర్వాత ముందుగా నీళ్లు (లేదా) నిమ్మరసం తాగండి. ఇది శరీరాన్ని హైడ్రేటెడ్‌గా ఉంచుతుంది.

వ్యాయామం తర్వాత అలసిపోయి ఉంటారు. కాబట్టి వెంటనే తినకుండా కొన్ని నిమిషాలు విశ్రాంతి తీసుకోండి. తర్వాత గంటలోపు తేలికపాటి ఆహారం తినండి.