వర్షాకాలంలో మారథాన్​ లో పాల్గొనాలనుకుంటున్నారా? ఇవి తప్పక పాటించండి !

వర్షాకాలంలో రోడ్లు తడిగా, జారుడుగా ఉంటాయి. అందువల్ల ఈ సీజన్ లో రన్నింగ్ చేసేటప్పుడు వాటర్ ప్రూఫ్ తో పాటు మంచి గ్రిప్ ఉన్న రన్నింగ్ షూస్ వాడండి. ఇవి మీ పాదాలకు రక్షణ ఇస్తాయి. 

వర్షాకాలంలో తేలికైన, త్వరగా ఆరే బట్టలు ఎంచుకోవాలి. ముఖ్యంగా రన్నింగ్ సమయంలో సింథటిక్ మెటీరియల్ క్లాత్ డ్రెస్ లను ధరించడం బెటర్. 

మరాథాన్ సమయంలో వర్షం పడితే లైట్ వాటర్ ప్రూఫ్ రెయిన్ జాకెట్ వాడండి. ఇది శరీరాన్ని వెచ్చగా ఉంచుతాయి. అలాగే.. రన్నింగ్ కూడా అనువుగా ఉంటుంది.

వర్షాకాలంలో చర్మం త్వరగా మెత్తబడుతుంది. వ్యాజిలీన్ లేదా యాంటీ-చాఫింగ్ క్రీమ్ వాడండి. అలాగే.. రన్నింగ్ తరువాత ఫ్రెషప్ అవ్వండి.  

వర్షాకాలంలో మారథాన్ పరుగులో పాల్గొనేటప్పుడు  డీహైడ్రేషన్​కి గురి కాకుండా ప్రతి 20-25 నిమిషాలకు సరిపడినన్ని నీళ్లు తాగండి.  

మారథాన్ సమయంలో జిగట మట్టి, నీటితో నిండిన గుంతలు కనిపిస్తే జాగ్రత్తగా ఉండండి. అలాంటి పరిస్థితుల్లో నెమ్మదిగా వెళ్లడం కంటే మెరుగైన మార్గం లేదు.

మారథాన్​లో పాల్గొనేవారు వేగంగా, తొందరగా లక్ష్యాన్ని చేరుకోవడానికి ప్రయత్నిస్తుంటారు. ఫలితంగా కీళ్లు, మోకాళ్ల నొప్పులు వంటి సమస్యలు వస్తాయి. ఇలా జరగకుండా ముందు నుంచే సిద్ధం కావాలి.

మారథాన్​లో పాల్గొనేవారు ఆరోగ్యంగా ఉన్నారో లేదో ముందు ఓసారి హెల్త్ చెకప్ చేయించుకొని, డాక్టర్ సలహాలు తీసుకోవడం మంచిది. ఇలా శారీరకంగా సిద్ధపడినప్పుడే మారథాన్ కు సిద్దమవ్వండి.