Skin Care: వర్షాకాలంలో మీ చర్మం మెరిసిపోవాలంటే.. ఈ చిట్కాలు పాటించండి!

వర్షాకాలంలో గాలిలో తేమ అధికంగా ఉండటం వల్ల ముఖంపై నూనె, దుమ్ము, చెమట చేరుతుంది. దీని వల్ల చర్మ రంధ్రాలు మూసుకుని మురికి చేరి మొటిమలు ఏర్పడుతాయి. 

వర్షాకాలంలో చర్మ సమస్యలు ఎక్కువే. టోనర్ వాడటం వల్ల రంధ్రాలు మూసుకుపోయి ముఖం కాంతివంతంగా మారుతుంది. ఆలివ్ ఆయిల్ లేదా గులాబీనీరు వంటి సహజ టోనర్‌లు చర్మానికి మేలు చేస్తాయి.

వర్షాకాలంలో చర్మంపై చనిపోయిన కణాలు చేరే అవకాశముంది. స్క్రబ్ చేయడం ద్వారా అవి తొలగి, చర్మం కాంతివంతంగా మారుతుంది. శనగపిండి, తేనె, పంచదారతో ఇంట్లోనే సహజ స్క్రబ్ తయారు చేసుకోవచ్చు.

వాతావరణం తేమగా ఉన్నా, చర్మంలోని తేమను కాపాడుకోవడం అవసరం. ఇందుకోసం తేలికైన, నీటి ఆధారిత మాయిశ్చరైజర్ వాడితే చర్మం పొడిబారకుండా మృదువుగా మారుతుంది.  

వర్షాకాలంలో ఎండ లేకపోయినా, హానికరమైన UVA/UVB కిరణాలు చర్మాన్ని ప్రభావితం చేస్తాయి. కనీసం SPF 30 ఉన్న సన్‌స్క్రీన్‌ని బయటకు వెళ్లే ముందు అప్లై చేయడం ద్వారా చర్మాన్ని రక్షించుకోవచ్చు

చర్మం ఆరోగ్యంగా ఉండాలంటే.. కేవలం బాహ్య చికిత్సలు సరిపోవు. రోజూ ఎక్కువగా నీళ్లు తాగడం, అధికంగా పండ్లు, కూరగాయలు తీసుకోవడం వంటి ఆరోగ్యకరమైన అలవాట్లు చర్మ ఆరోగ్యాన్ని మెరుగుపరుస్తాయి.