చలికాలంలో బీపీ తగ్గాలంటే ఏం చేయాలి?

హైబీపీ చాలా పెద్ద సమస్య. ఎందుకంటే ఇది గుండె, రక్తనాళాల ఆరోగ్యాన్ని దెబ్బతీస్తుంది. అందుకే దీన్ని అదుపులో ఉంచుకోవాలని డాక్టర్లు చెప్తారు. 

అందుకే చలికాలంలో అధిక రక్తపోటును ఎలా నియంత్రించుకోవాలో ఇప్పుడు తెలుసుకుందాం పదండి. 

చలివల్ల మన రక్తనాళాలు కుంచించుకుపోతాయి. అందుకే మీ శరీరం వెచ్చగా ఉండాలంటే వెచ్చని దుస్తులను, స్వెట్టర్లను, టోపీలు, స్కార్ఫ్ లను ఖచ్చితంగా ధరించాలి. 

నీళ్లు తక్కువగా తాగితే బీపీ పెరిగే అవకాశం ఉంది. ఎందుకంటే శరీరంలో నీటి శాతం తగ్గితే రక్తం చిక్కబడుతుంది. ఇది బీపీని పెంచుతుంది. అందుకే నీళ్లు బాగా తాగాలి. 

మానసిక ఒత్తిడి కూడా  బీపీని పెంచుతుంది. అందుకే ఒత్తిడిని తగ్గించుకోవడానికి ధ్యానం, యోగా, లోతైన శ్వాస వ్యాయామాలు చేయాలి. 

ఉప్పును ఎక్కువగా తీసుకుంటే కూడా రక్తపోటు పెరుగుతుంది. అందుకే ఉప్పు తక్కువగా వేసిన ఇంట్లో వండిన ఆహారాలను తినాలి.