కొబ్బరిపాలలో మన ఆరోగ్యానికి మేలు చేసే ఎన్నో రకాల పోషకాలు, హెల్తీ ఫ్యాట్స్ ఉంటాయి. అసలు కొబ్బరి పాలను తాగితే ఏమౌతుందంటే?
కొబ్బరి పాలు మన గుండెను ఆరోగ్యంగా ఉంచడానికి కూడా సహాయపడతాయి. వీటిలో ఉండే లారిక్ ఆమ్లం, మధ్యస్థ గొలుసు కొవ్వు ఆమ్లం శరీరంలో పేరుకుపోయిన చెడు కొలెస్ట్రాల్ ను తగ్గిస్తుంది.
కొబ్బరి పాలు మన ఇమ్యూనిటీ పవర్ ను పెంచడానికి కూడా సహాయపడతాయి.వీటిలో ఉండే విటమిన్ సి, విటమిన్ ఇ, యాంటీ ఆక్సిడెంట్లు వంటి పోషకాలు రోగనిరోధక శక్తిని పెంచుతాయి.
కొబ్బరిపాలు బరువు తగ్గడానికి కూడా సహాయపడతాయి. వీటిలో ఉండే హెల్తీ ఫ్యాట్స్ ఆకలిని తగ్గించి, జీవక్రియను పెంచుతాయి. దీంతో కేలరీలు కరిగి బరువు తగ్గుతారు.
కొబ్బరి పాలు జీర్ణవ్యవస్థను ఆరోగ్యంగా ఉంచడానికి కూడా సహాయపడతాయి. వీటిలో ఉండే యాంటీ బయాటిక్ లక్షణాలు జీర్ణ సమస్యలు రాకుండా రక్షిస్తాయి.
కొబ్బరిపాలలో మెగ్నీషియం, పొటాషియం వంటి ఎలక్ట్రోలైట్స్ కూడా మెండుగా ఉంటాయి.
కొబ్బరి పాలను తాగితే మన చర్మం కూడా ఆరోగ్యంగా ఉంటుంది. వీటిలో ఉండే యాంటీఆక్సిడెంట్లు చర్మాన్ని ఆరోగ్యంగా, కాంతివంతంగా ఉంచుతాయి.
కొబ్బరి పాలు మన ఎముకల్ని బలంగా ఉంచేందుకు బాగా ఉపయోగపడతాయి. వీటిలో కాల్షియం ఉండదు కానీ ఫాస్పరస్ మాత్రం ఉంటుంది. ఇది ఎముకల్ని బలంగా ఉంచేందుకు సహాయపడుతుంది.