Acid Reflux : తరచూ గొంతులో త్రేన్పులు , ఛాతి మంట? ఈ చిన్న చిట్కాలతో..

క్రమం తప్పకుండా భోజనం చేయడం అనేది యాసిడ్ రిఫ్లక్స్ నివారించడానికి మొదటి మార్గం. అలాగే పడక మీదకు చేరడానికి కనీసం 3 గంటల ముందే రాత్రి భోజనం పూర్తి చేయాలని వైద్యులు సూచిస్తుంటారు. 

ఒకేసారి ఎక్కువ భోజనం చేయకుండా, తరచుగా తక్కువ పరిమాణంలో భోజనం చేయడం యాసిడ్ రిఫ్లక్స్ నివారించడానికి మరో మార్గం .

పుష్కలంగా నీరు త్రాగాలి. జీర్ణక్రియను సులభతరం చేయడానికి, ఆమ్ల ఉత్పత్తిలో హెచ్చుతగ్గులను నియంత్రించడానికి నీరు త్రాగడం మంచిది.

నూనెలో వేయించిన ఆహారాలు, అనారోగ్యకరమైన కొవ్వు , కారం అధికంగా ఉన్న ఆహారపదార్థాలకు దూరంగా ఉండండి.   

నిమ్మ, నారింజ వంటి సిట్రస్ పండ్లలో ఆమ్లం ఎక్కువగా ఉంటుంది, కాబట్టి యాసిడ్ రిఫ్లక్స్ ఉన్నవారు వీటిని ఎక్కువగా తినకపోవడమే మంచిది. ఎందుకంటే, ఇవి కడుపులో యాసిడ్ ఉత్పత్తిని పెంచుతాయి.

బాదం, జీడిపప్పు, అవిసె గింజలు, పొద్దుతిరుగుడు విత్తనాలు వంటి ఆరోగ్యకరమైన కొవ్వులు ఉండే ఆహారాన్ని డైట్ లో చేర్చుకోండి. ఇవి మీ శరీరానికి అవసరమైన పోషకాలను అందిస్తాయి. 

కొంతమందికి కెఫిన్ యాసిడ్ రిఫ్లక్స్ కు కారణం కావచ్చు, కాబట్టి దానిని ఆహారం నుండి తొలగించడం మంచిది. కెఫిన్ కడుపులో ఆమ్ల ఉత్పత్తిని పెంచుతుంది