Weight Loss: ఇలా వాకింగ్ చేశారంటే.. ఇట్టే బరువు తగ్గుతారు

నెమ్మదిగా నడవడం వల్ల ఎక్కువ ప్రయోజనం ఉండదు. హృదయ స్పందన రేటు పెరిగేలా చురుగ్గా నడవాలి. ఈ విధంగా నడక చేస్తే అధికంగా క్యాలరీలు బర్న్ అయి, వెయిట్ లాస్ కావడానికి సాధ్యమవుతుంది.

బరువు తగ్గాలంటే నిత్యం నడక అనివార్యం. వారానికి 5 రోజులు, రోజూ కనీసం 30 నిమిషాలు నడవండి. అవసరమైతే, దాన్ని రెండు 15 నిమిషాల సెషన్లుగా విభజించుకోండి. 

కొండలు, మెట్లు లేదా ట్రెడ్‌మిల్ ఇంక్లైన్‌లపై నడక వల్ల రెసిస్టెన్స్ పెరిగి, ఎక్కువ క్యాలరీలు బర్న్ అవుతాయి. ఇది గ్లూట్స్, కాళ్లు, తొడలను టోన్ చేయడంలో కూడా సహాయపడుతుంది.

వాకింగ్ చేసేటప్పుడు సరైన భంగిమలో నడవాలి. నడిచే సమయంలో శరీరాన్ని నిటారుగా ఉంచి, తల పైకి, భుజాలు వెనుకకు ఉంచండి. ఇలా నడవడం వల్ల అలసట తగ్గి, కండరాలు బలంగా మారుతాయి. 

నడిచే సమయంలో ఫిట్‌నెస్ ట్రాకర్ లేదా స్టెప్-కౌంటింగ్ యాప్ వాడండి. రోజుకు 8,000–10,000 అడుగులు లక్ష్యంగా పెట్టుకోండి. చురుకైన జీవనశైలి కోసం రోజూవారి లక్ష్యాలను నిర్ధేశించుకోండి. 

సాధారణ నడక కంటే వేగంలో మార్పులు చేయండి. ఉదాహరణకు, 1–2 నిమిషాలు వేగంగా నడవండి, ఆపై 3–4 నిమిషాలు సాధారణ వేగంలో తిరిగి నడవండి. ఇది కేలరీ బర్న్ పెంచడంలో, ఫిట్‌నెస్ మెరుగుపరుస్తుంది.