ఈ సింపుల్ టిప్స్ తో వెల్లుల్లిని ఇంట్లోనే ఈజీగా పెంచవచ్చు!

ఇంట్లో ఉన్న వెల్లుల్లి పాయను ఒలిచి, నాటడానికి వీలుగా ఉండే పెద్ద సైజు రెబ్బలను ఎంచుకోవాలి.

నీరు నిలవని మట్టిని ఎంచుకోవాలి. మట్టిలో తగినంత పశువుల ఎరువువేసి బాగా కలపాలి.

వెల్లుల్లి రెబ్బ మొనదేలిన భాగం పైకి, చదునైన భాగం కిందికి ఉండేలా మట్టిలో నాటాలి. రెబ్బల మధ్య 4-6 అంగుళాల దూరం ఉండేలా చూసుకోవాలి.

వెల్లుల్లి రెబ్బలను మరీ లోతుగా నాటకూడదు, మట్టితో కప్పితే చాలు. మంచి సూర్యరశ్మి తగిలే చోట మొక్కలను పెంచాలి. మట్టిలో తేమ ఉండాలి, కానీ నీరు నిలిచిపోకుండా చూసుకోవాలి.

నాటిన తర్వాత, మట్టిపై ఎండుటాకులు లేదా గడ్డి పరచాలి. ఇది మట్టిలో తేమను నిలిపి, కలుపు మొక్కలు పెరగకుండా అడ్డుకుంటుంది.

మొక్క పెరిగే దశలో పశువుల ఎరువుతో పాటు, పులియబెట్టిన వేరుశనగ చెక్కను నీటిలో కలిపి పోయాలి. ఇలా చేస్తే వెల్లుల్లి పాయలు పెద్ద సైజులో వస్తాయి.

వెల్లుల్లి కోతకు వచ్చే రెండు వారాల ముందు నుంచి నీళ్లు పోయడం పూర్తిగా ఆపేయాలి. దానివల్ల వెల్లుల్లి ఎక్కువ కాలం పాడవకుండా నిల్వ ఉంటుంది.

మొక్క కింది ఆకులు పసుపు రంగులోకి మారి, ఎండిపోవడం మొదలైనప్పుడు వెల్లుల్లి చేతికి వచ్చినట్లు అర్థం చేసుకోవాలి.