మొక్కలు ఏపుగా పెరగాలంటే.. ఈ చిట్కాలను పాటించండి!

అరటి తొక్కలను రెండు రోజులు నీళ్లలో నానబెట్టడం వల్ల మొక్కలకు ఇది సహజ ఎరువుగా మారుతుంది. ఈ ఎరువులో పొటాషియం, ఇతర పోషకాలు ఉంటాయి. ఇవి మొక్కల పెరుగుదలకు ఉపయోగపడతాయి.

బంగాళాదుంప తొక్కల్లో పొటాషియం, ఐరన్ వంటి పోషకాలు ఉంటాయి. ఇవి ఎరువుగా ఉపయోగపడి, మొక్కల పెరుగుదలకు అవసరమయ్యే పోషకాలను అందిస్తాయి.  

కాఫీ పొడిలో నత్రజని, పొటాషియం, భాస్వరం వంటి పోషకాలు ఉంటాయి, ఇవి మొక్కల పెరుగుదలకు అవసరం. కాఫీ పొడిని మట్టిలో కలపడం ద్వారా మట్టి సారవంతం అవుతుంది,

బియ్యం కడిగిన నీళ్ళు, గంజిలో నత్రజని, భాస్వరం వంటి పోషకాలు ఉంటాయి. ఇది మొక్కల పెరుగుదలకు దోహదపడుతాయి.

టీ బ్యాగ్స్‌లో ఆమ్లత, యాంటీఆక్సిడెంట్లు ఉంటాయి, కాబట్టి వాడిన టీ బ్యాగ్‌ను మొక్కల చుట్టూ వేయండి. ఇవి మొక్కలకి ఎరువుగా పనిచేస్తాయి, నత్రజని శోషణను పెంచుతాయి.

పసుపులో యాంటీ ఫంగల్, యాంటీ బాక్టీరియల్ గుణాలు ఉంటాయి. ఇవి వేరు వ్యవస్థను రక్షించడంలో సహాయపడుతాయి. పసుపు కీటకాలు, శిలీంధ్రాలు దారి చేయకుండా సహాయపడుతుంది.

గుడ్డు పెంకులో కాల్షియం కార్బోనేట్ ఉంటుంది. ఇది మొక్కల పెరుగుదలకు సహాయపడుతుంది.