విటమిన్ బి12 మన శరీరానికి చాలా అవసరం. ఈ విటమిన్ లోపించడం వల్ల చాలా రకాల ఆరోగ్య సమస్యలు తలెత్తే ప్రమాదం ఉంది. మన శరీరంలో న్యూరలాజికల్ ఫంక్షన్ సరిగా జరగడానికి సహాయపడుతుంది.
ఎర్ర రక్త కణాల ఏర్పాటు నుంచి.. డీఏన్ఏ సంశ్లేషణ వరకు చాలా రకాల పనులు నిర్వహించడానికి.. మన శరీరానికి విటమిన్ బి 12 చాలా అవసరం. బి12 ఎక్కువగా ఎందులో ఉంటుందో తెలుసుకుందాం...
1.పాలు..
దాదాపు అందరి ఇంటిలో కామన్ గా పాలు ఉంటాయి. ఈ పాలు మనకు విటమిన్ బి12 ని పుష్కలంగా అందిస్తాయి. పాలు తాగుతూ ఉండటం వల్ల, పాలతో చేసి పదార్థాలు తినడం వల్ల బి12 లోపం రాదు
2.మాంసం..
మాంసంలోనూ విటమిన్ బి 12 పుష్కలంగా ఉంటుంది. అంటే... చికెన్ ని మీ ఆహారంలో భాగం చేసుకోవడం చాలా ముఖ్యం. చికెన్ తో చేసిన పలు రకాల వంటలు ఏవైనా తీసుకోవచ్చు.
3.కోడిగుడ్లు..
కోడిగుడ్ల లోనూ విటమిన్ బి 12 పుష్కలంగా ఉంటుంది. రెగ్యులర్ గా మనం మన డైట్ లో కోడి గుడ్డు చేర్చుకోవాలి. అంతేకాదు, కోడి గుడ్డు తీసుకుంటే.. ప్రోటీన్ కూడా అందుతుంది.
4.పెరుగు..
రెగ్యులర్ మీరు మీ డైట్ లో పెరుగును భాగం చేసుకుంటే... విటమిన్ బి12 లోపం ఉండదు. పెరుగు ను మజ్జిగ రూపంలో, రైతాలాగా కూడా తీసుకోవచ్చు. జీర్ణ సమస్యలను కూడా తగ్గిస్తుంది.
5.పన్నీర్..
పన్నీర్ మనకు ప్రోటీన్ ని అందిస్తుంది. అయితే ప్రోటీన్ మాత్రమే కాదు, విటమిన్ బి12 మనకు అందడానికి కూడా సహాయపడుతుంది. పన్నీర్ ని ఎలా తీసుకోవాలో.. స్పెషల్ గా చెప్పక్కర్లేదు.
6.సోయా ప్రోడక్ట్స్...
పైన చెప్పిన పదార్థాలు మాత్రమే కాదు... సోయా ప్రొడక్ట్స్ లోనూ విటమిన్ బి12 పుష్కలంగా ఉంటుంది. అందుకే.. సోయా ఉత్పత్తులను తమ డైట్ లో భాగం చేసుకోవాలి.