టేస్టీ టేస్టీ కశ్మీరీ లాల్ పన్నీర్.. ఇలా చేశారంటే.. లొట్టలు వేస్తూ..

కశ్మీరీ లాల్ పన్నీర్ కశ్మీర్ కి చెందిన ప్రత్యేకమైన వంటకం. దీన్ని కశ్మీరీ మసాలాలతో తయారు చేస్తారు. ఇది చాలా రుచికరంగా ఉంటుంది. ఈ సులభమైన రెసిపీని తెలుసుకుందాం.

పన్నీర్ – 500 గ్రా. పసుపు, ఆవ నూనె, వేయించిన ఉల్లిపాయల పేస్ట్, నీళ్ళు, ఎర్ర మిరపకాయల పేస్ట్, టమాటా ప్యూరీ, కశ్మీరీ మిర్చి పేస్ట్, 

పసుపు పొడి – 1/2 చిన్న చెంచా, ఇంగువ 1/4 చెంచా, 1 పెద్ద యాలక్కాయ, లవంగాలు 3, దాల్చిన చెక్క 2, సోంపు పొడి, శొంఠి, ఉప్పు, వేయించిన జీలకర్ర పొడి, 

పన్నీర్ ని కడిగి, ముక్కలుగా కోసి పక్కన పెట్టుకోండి. ఒక పాన్ లో 2 కప్పుల నీళ్ళు వేడి చేసి, పసుపు పొడి వేసి, పన్నీర్ ముక్కలు వేసి 3-4 నిమిషాలు ఉడికించండి.

ఇప్పుడు పన్నీర్ ని ఆవ నూనెలో తేలికగా వేయించి ఒక ప్లేట్ లోకి తీసుకోండి.

మిగిలిన నూనెలో ఉల్లిపాయల పేస్ట్, ఇంగువ, టమాటా ప్యూరీ, ఎర్ర మిరపకాయల పేస్ట్, పసుపు పొడి, అన్ని మసాలా దినుసులు, సోంపు పొడి, శొంఠి, ఉప్పు, అరకప్పు వేడి నీళ్ళు వేసి బాగా కలపండి.

ఇప్పుడు ఈ గ్రేవీని 15 నిమిషాలు ఉడికించండి. టమాటా పచ్చి వాసన పోయి గ్రేవీ చిక్కబడాలి. ఇప్పుడు పన్నీర్ ముక్కలు వేసి, బాగా కలిపి, మూత పెట్టి, తక్కువ మంట మీద 7-8 నిమిషాలు ఉడికించండి.

చివరగా వేయించిన జీలకర్ర పొడి చల్లి, వేడి వేడిగా అన్నం లేదా మీకు నచ్చిన రొట్టెలతో వడ్డించండి.