మెక్‌డొనాల్డ్స్ స్టైల్ ఫ్రెంచ్ ఫ్రైస్.. ఈజీగ ఇంట్లోనే తయారు చేయొచ్చు

4 నుంచి 5 పెద్దసైజు బంగాళాదుంపలు, వాటర్ (నానబెట్టడానికి), 2 పెద్ద స్పూన్ల వైట్ వెనిగర్, రుచికి సరిపడా ఉప్పు, ఐస్ ముక్కలు, వేయించడానికి నూనె.

ఫ్రెంచ్ ఫ్రైస్ ను తయారు చేయడానికి ముందుగా బంగాళాదుంపలను తొక్క తీసి, సన్నగా, సమానంగా ముక్కలుగా (సుమారు 1/4 అంగుళాల మందం) కట్ చేసుకోండి.

కోసిన ఆలుగడ్డ ముక్కలను చల్లటి నీటితో నిండిన పెద్ద గిన్నెలో ఉంచండి. ఈ వాటర్ కు వెనిగర్, కొన్ని ఐస్ ముక్కలను జోడించండి. వెనిగర్ మక్కలను గోధుమ రంగులోకి మారకుండా, క్రిస్పీగా చేస్తుంది.

బంగాళాదుంపలను కనీసం 30 నిమిషాలు నాననివ్వండి. ఇది బంగాళాదుంపల నుంచి అదనపు పిండి పదార్థాలను తొలగిస్తుంది. అలాగే ఫ్రైస్ వేయించేటప్పుడు క్రిస్పీగా ఉండటానికి సహాయపడుతుంది.

ఆలుగడ్డలను నీళ్ల నుంచి తీసి ఒక పెద్ద పాత్రలో నూనె వేడి చేసి ఫ్రైస్‌ను బ్యాచ్‌లుగా వేయించండి.ఇవి లేతగా, కొద్దిగా మెత్తగా అయ్యే వరకు 4-5 నిమిషాలు ఉడికించండి. 

బంగాళాదుంపలు 50% ఉడికిన తర్వాత ఫ్రైస్‌ను బయటకు తీసి కాగితపు టవల్ మీద ఆరనివ్వండి. అవి పూర్తిగా చల్లారనివ్వండి.

నూనె వేడిని పెంచి ఉడికించిన ఫ్రైస్‌ను మళ్లీ బ్యాచ్‌లుగా 2-3 నిమిషాలు లేదా బంగారు రంగులోకి మారి క్రిస్పీగా అయ్యే వరకు వేయించండి. ఫ్రైస్‌ను నూనె నుంచి తీసివేసి వెంటనే ఉప్పు చల్లండి

అంతే వేడివేడిగా ఫ్రెంచ్ ఫ్రైస్ రెడీ అయినట్టే. దీన్ని మీకు ఇష్టమైన డిప్పింగ్ సాస్‌ లేదా కెచప్ వంటి వాటితో తినండి. టేస్ట్ అదిరిపోతుంది.