మునక్కాయలు తింటే ఇలా అవుతుందా

మునగాకు ఆకుల నుంచి మునక్కాయల వరకు ఇవి మన శరీరానికి ఎన్నో ప్రయోజనాలను అందిస్తాయి. వీటిలో  ఫైబర్, కాల్షియం, ఇనుము, మెగ్నీషియం, పొటాషియం, భాస్వరం, యాంటీఆక్సిడెంట్లు పుష్కలంగా ఉంటాయి.

మునగాకులో కాల్షియం, భాస్వరం, ఇనుము పుష్కలంగా ఉంటాయి. ఇవి పెరుగుతున్న పిల్లల ఎముకలను బలంగా చేస్తాయి. 

మునగాకులో యాంటీ ఇన్ఫ్లమేటరీ లక్షణాలు ఉంటాయి. ఇవి కీళ్లనొప్పులను తగ్గిస్తాయి. ఎముకలు విరిగినప్పుడు త్వరగా నయం కావడానికి కూడా ఇది సహాయపడుతుంది.

మునగాకు, మునక్కాయలో విటమిన్ సి తో పాటు యాంటీఆక్సిడెంట్లు కూడా ఉంటాయి. ఇవి జలుబు, ఫ్లూ మొదలైన వాటి నుంచి రక్షిస్తాయి. దీనిలో యాంటీ బాక్టీరియల్ లక్షణాలు ఉబ్బసాన్ని తగ్గిస్తాయి.

  షుగర్ ఉన్నవారికి మునగాకు, మునక్కాయ కూర ప్రయోజనకరంగా ఉంటుంది. దీనిలోని ఐసోథియోసైనేట్స్ సమ్మేళనం బరువు తగ్గడానికి సహాయపడుతుంది. రక్తంలో చక్కెర స్థాయిని నియంత్రిస్తుంది.

పిల్లలకు పాలిచ్చే తల్లులు కూడా మునగాకు తినొచ్చు. దీన్ని తినడం వల్ల తల్లుల్లో పాల ఉత్పత్తి పెరుగుతుంది. కొత్త తల్లులకు అవసరమైన పోషకాలు కూడా అందుతాయి.