Calcium: పాల కంటే ఎక్కువ కాల్షియం అందించే ఆహారాలు ఇవే.. !

ఎముకలు, దంతాల ఆరోగ్యంలో కాల్షియం కీలక పాత్ర పోషిస్తుంది. శరీరానికి కాల్షియం అందించే ఆహారాపదార్థాలు ఇవే..

రెండు స్పూన్ల చియా గింజల్లో 179 మి.గ్రా. కాల్షియం ఉంటుంది. చియా గింజలు క్రమం తప్పకుండా తీసుకోవడం వల్ల ఎముకలు దృఢంగా మారుతాయి.

ఒక కప్పు బాదం పప్పులో 320 mg కాల్షియం ఉంటుంది. బాదంపప్పులను రాత్రంతా నానబెట్టి తింటే చర్మ ఆరోగ్యానికి మేలు జరుగుతుంది. మెదడు ఆరోగ్యాన్నే కాకుండా శక్తిని అందిస్తుంది. 

కాల్షియం అధికంగా ఉండే మరొక ఆహారం నువ్వులు. ఒక స్పూన్ నువ్వుల్లో 88 మి.గ్రా. కాల్షియం ఉంటుంది.

చేపలలో సహజంగా కాల్షియం ఉంటుంది.  సాల్మన్, మాకేరెల్, సార్డినెస్ వంటి చేపలలో కాల్షియం ఎక్కువగా ఉంటుంది.  

కాల్షియం అధికంగా ఉండే మరొక ఆహారం అంజీర. కాల్షియం మాత్రమే కాకుండా ఫైబర్, యాంటీఆక్సిడెంట్లు కూడా ఉంటాయి. అంజీర ఎముకలకు చాలా మంచిది.