షుగర్‌ పేషెంట్స్‌ మటన్‌ తినొచ్చా.? తింటే ఏమవుతుంది..

ఒక్కసారి డయాబెటిస్‌ బారిన పడితే జీవనశైలి పూర్తిగా మార్చుకోవాల్సి ఉంటుంది. నిత్యం ట్యాబ్లెట్స్‌ వేసుకుంటూనే ఉండాలి. అలాగే తీసుకునే ఆహారం విషయంలో కూడా జాగ్రత్త పడాల్సి ఉంటుంది. 
 

డయాబెటిస్ పేషెంట్స్‌ ఏది తినాలన్నా ఒకటికి రెండు సార్లు ఆలోచిస్తుంటారు. మరి షుగర్‌ పేషెంట్స్‌ మటన్‌ తొనొచ్చా? తింటే ఏమవుతుందో ఇప్పుడు తెలుసుకుందాం. 
 

డయాబెటిస్‌ పేషెంట్స్‌ మటన్‌కు దూరంగా ఉంటేనే మంచిదని నిపుణులు చెబుతున్నారు. ఇది వారిలో కొవ్వు పెరిగేందుకు కారణమవుతుందని అంటున్నారు. 
 

మటన్ లోని శాచురేటెడ్‌ ఫ్యాట్‌ ఆరోగ్యంపై ప్రతికూల ప్రభావాన్ని చూపుతుంది. ముఖ్యంగా గుండె సంబంధిత సమస్యలకు దారి తీస్తుందని నిపుణులు చెబుతున్నారు. 

చికెన్‌, చేపలు వంటివి తినొచ్చని చెబుతోన్న నిపుణులు అయితే వాటిని వండే విధానంలో మాత్రం జాగ్రత్తలు పాటించాలని అంటున్నారు. ఎట్టి పరిస్థితుల్లో నూనె ఎక్కువగా వేయకూడదని సూచిస్తున్నారు. 
 

వైద్యుల ప్రకారం డయాబెట్‌ పేషెంట్స్‌ తాము తీసుకునే ఆహారంలో కూరగాయలు ఎక్కువగా ఉండేలా చేసుకుంటే షుగర్‌ను తగ్గిస్తూ.. వాకింగ్ వంటి వ్యాయామాలు చేయాలని చెబుతున్నారు. 
 

ఈ వివరాలన్నీ కేవలం ప్రాథమిక సమాచారంగానే భావించాలి. ఆరోగ్యానికి సంబంధించి వైద్యుల సూచనలు పాటించడమే ఉత్తమం.