Dates: నానబెట్టిన ఖర్జూరం రోజూ తింటే కలిగే లాభాలేంటో తెలుసా?

ఖర్జూరలో ప్రోటీన్, ఫైబర్, విటమిన్ B1, B 2, B3, B5 వంటి పోషకాలు సమృద్ధిగా ఉంటాయి. అలాగే వివిధ రకాల అమైనో ఆమ్లాలతో పాటు సెలీనియం, మాంగనీస్, కాపర్, మెగ్నీషియం వంటివి పుష్కలంగా ఉంటాయి.

నానబెట్టిన ఖర్జూరలో ఉండే అధిక పీచు పదార్థం మలబద్ధకాన్ని నివారిస్తాయి. జీర్ణవ్యవస్థను మెరుగుపరుస్తాయి. 

నానబెట్టిన ఖర్జూరాలు అధిక రక్తపోటును నియంత్రించడంలో సహాయపడతాయి. ఖర్జూరాలలో ఉండే పొటాషియం రక్తపోటును నియంత్రించడంలో సహాయపడుతుంది,  

ఖర్జూరలో ఉండే కాల్షియం, భాస్వరం, మెగ్నీషియం, విటమిన్ కె వంటి పోషకాలు ఎముకల ఆరోగ్యానికి ఎంతో మేలు చేస్తాయి. అలాగే.. బోలు ఎముకల వ్యాధి వంటి సమస్యలను నివారించడానికి సహాయపడతాయి.

ఖర్జూరంలో ఉండే విటమిన్ ఎ, సి వంటివి రోగనిరోధక శక్తిని పెంచుతాయి. ‌తెల్ల రక్త కణాల ఉత్పత్తిని పెంచడం ద్వారా ఇన్ఫెక్షన్లతో పోరాడటానికి సహాయపడతాయి.

ఖర్జూరంలో  ఐరన్ అధికంగా ఉంటుంది. ఇది శరీరంలో ఎర్ర రక్త కణాల ఉత్పత్తిని పెంచడానికి, రక్తహీనతను నివారించడానికి సహాయపడుతుంది.

మెదడు పనితీరును మెరుగుపరచడానికి, అల్జీమర్స్ వ్యాధిని నివారించడంలో ఖర్జూర సహాయపడుతుందని పలు అధ్యయనాలు చెబుతున్నాయి.   

నానబెట్టిన ఖర్జూరాలు తినడం చర్మ ఆరోగ్యానికి మంచిది. ఖర్జూరాలలో యాంటీఆక్సిడెంట్లు,  విటమిన్లు పుష్కలంగా ఉంటాయి, ఇవి చర్మాన్ని ఆరోగ్యంగా, యవ్వనంగా మార్చుతాయి.