ఆరోగ్యకరమైన ఆహారం గుండెను ఆరోగ్యంగా ఉంచడానికి సహాయపడుతుంది. గుండె ఆరోగ్యం కోసం యాంటీ ఆక్సిడెంట్లు, అవసరమైన పోషకాలు, ఫైబర్ ఉన్న ఆహారాలను రెగ్యులర్ గా తినాలి.
కొన్ని రకాల ఆహారాలను తింటే శరీరంలో పేరుకుపోయిన చెడు కొలెస్ట్రాల్ తగ్గుతుంది. రక్తపోటు నియంత్రణలో ఉంటుంది. ఇందుకోసం ఏం తినాలంటే?
ఆకు కూరలు మన ఆరోగ్యానికి చేసే మేలు అంతా ఇంతా కాదు. రకరకాల ఆకు కూరల్లో విటమిన్ ఎ, విటమిన్ కె, విటమిన్ సి, ఫోలెట్, ఫైబర్లు పుష్కలంగా ఉంటాయి. ఇవి గుండెను ఆరోగ్యంగా ఉంచుతాయి.
నారింజ పండ్లు కూడా గుండెను ఆరోగ్యంగా ఉంచడానికి సహాయపడతాయి. ఈ పండులో ఫైబర్, విటమిన్ సి, పొటాషియం వంటి పోషకాలు పుష్కలంగా ఉంటాయి. ఇవన్నీ గుండెను హెల్తీగా ఉంచుతాయి.
నట్స్ ఒక్క గుండెనే కాదు మన మొత్తం శరీరాన్ని ఆరోగ్యంగా ఉంచడానికి సహాయపడతాయి. నట్స్ లో ఉండే ఒమేగా-3 కొవ్వు ఆమ్లాలు, ఫైబర్, మెగ్నీషియంలు మీ గుండెను ఆరోగ్యంగా ఉంచుతాయి.
వెల్లుల్లి కూడా గుండెను ఆరోగ్యంగా ఉంచడంలో సహాయపడుతుంది. దీన్ని రెగ్యులర్ గా తింటే కొలెస్ట్రాల్, బీపీ కంట్రోల్ లో ఉంటాయి. దీంతో మీకు గుండె జబ్బుల ప్రమాదం తగ్గుతుంది.
క్యారెట్ కూడా గుండెను ఆరోగ్యంగా ఉంచడానికి సమాయపడుతుంది. దీనిలో ఫైబర్, బీటా కెరోటిన్, పొటాషియం మెండుగా ఉంటాయి. ఇది రక్తపోటును, కొలెస్ట్రాల్ను తగ్గించడానికి సహాయపడుతుంది.