బ్యాచిలర్స్ Vs పెళ్లైన మగాళ్లు.. వీరిలో ఎక్కువకాలం బ్రతికేది ఎవరు?

ప్రతి ఒక్కరికీ పెళ్లిపై తమదైన ఆలోచన ఉంటుంది. మారుతున్న కాలంలో ఒంటరిగా ఉండటానికి నేటి యువతరం ఇష్టపడుతోంది. ఎలాంటి బాధ్యత లేకుండా స్వేచ్ఛగా బతకాలని కోరుకుంటున్నారు.

ఓ సర్వే ప్రకారం ఇండియాలో 42 శాతం మంది యువతకు పెళ్లి చేసుకోవడం ఇష్టం లేదట. వాళ్లు ఎవరిపైనా ఆధారపడకుండా తమ జీవితాన్ని గడపడాలని అనుకుంటున్నారట.

పెళ్లైన మగాళ్లు, బ్యాచిలర్స్‌లో ఎవరి ఆయుష్షు ఎక్కువ అనే దానిపై ఓ అధ్యయనం జరిగింది. ఇందులో ఆసక్తికర విషయాలు బైటపడ్డాయి.

జామా నెట్‌వర్క్ ఓపెన్‌లో ప్రచురితమైన అధ్యయనం ప్రకారం.. పెళ్లికాని మగాళ్ల కంటే పెళ్లైన వాళ్లే ఎక్కువ కాలం జీవిస్తారట. పెళ్లైన పురుషుల్లో మరణాల రేటు 15 శాతం తక్కువగా ఉందట. 

ఆసియాలో 50 నుంచి 60 ఏళ్ల మధ్య వయసున్న 6,23,000 మంది ఆరోగ్యంపై ఈ అధ్యయనం చేశారు. జపాన్ పరిశోధకులు 15 ఏళ్ల పాటు ఈ రీసెర్చ్ పూర్తి చేశారు.

పెళ్లైన పురుషులతో పోలిస్తే.. విడాకులు తీసుకున్న, పెళ్లికాని మగాళ్లలో ఆయుర్దాయం తక్కువగా ఉంటుందని ఈ అధ్యయనంలో తేలింది.

పెళ్లికాని వారితో పోలిస్తే పెళ్లైన జంటలు ప్రమాదాలు, గాయాలు లేదా గుండె జబ్బులతో చనిపోయే అవకాశం 20 శాతం తక్కువగా ఉంటుంది. 

 పెళ్లైన వాళ్లు తమ జీవితంలో తక్కువ రిస్క్ తీసుకుంటారు. ఈ కారణంగా ఆల్కహాల్, మాధకద్రవ్యాల బారినపడి చనిపోయే ప్రమాదం కూాడా తక్కువే.