Entertainment
ప్రస్తుతం నటిస్తున్న 'GOAT' సినిమా కోసం విజయ్ తీసుకుంటున్న పారితోషికం ప్రస్తుతం హాట్ టాపిక్ గా మారింది.
`గోట్` మూవీ నిర్మాత అర్చనా కల్పాతి ఇచ్చిన ఇంటర్వ్యూలో, విజయ్ ఈ మూవీ కోసం రూ.200 కోట్లు తీసుకుంటున్నట్లు వెల్లడించారు.
ఇంతటి భారీ రెమ్యూనరేషన్‌తో విజయ్ ఇండియాలోనే అత్యధిక పారితోషికం తీసుకుంటున్న నటుడిగా నిలిచాడు.
పారితోషికం విషయంలో ప్రభాస్, సల్మాన్ ఖాన్ లను సైతం వెనక్కి నెట్టేశాడు విజయ్. ప్రభాస్ ఒక్కో సినిమాకు రూ.150 కోట్లు, సల్మాన్ ఖాన్ రూ.125 కోట్లు తీసుకుంటున్నారు.
ఆమిర్ ఖాన్, షారుఖ్ ఖాన్ లు మాత్రం పారితోషికం కాకుండా తాము సినిమా లాభాల్లో వాటాను తీసుకుంటున్నట్లు సమాచారం.
'GOAT' చిత్రానికి రిలీజ్‌కి ముందే ఇంతటి రెస్పాన్స్ లభిస్తుండటంతో, ఈ సినిమా ఇప్పటికే హిట్ అయినట్లేనని నిర్మాత అర్చనా కల్పాతి అన్నారు.
వెంకట్ ప్రభు దర్శకత్వం వహించిన ఈ చిత్రం సెప్టెంబర్ 5న థియేటర్లలో విడుదల కానుంది. ఇది తమిళంతోపాటు తెలుగు, హిందీ వంటి భాషల్లోనూ అనువాదం అవుతుంది.