LSG vs MI: ఐపీఎల్ 2025లో థ్రిల్లింగ్ విక్టరీ.. సూపర్ మూమెంట్స్ !

IPL 2025 16వ మ్యాచ్‌లో ముంబై ఇండియన్స్ కెప్టెన్ హార్దిక్ పాండ్యా టాస్ గెలిచి మొదట బౌలింగ్ చేయాలని నిర్ణయించుకున్నాడు. లక్నో సూపర్ జెయింట్స్ మొదట బ్యాటింగ్ కు దిగింది.

మొదట బ్యాటింగ్ చేస్తూ లక్నో ఓపెనర్ మిచెల్ మార్ష్ 31 బంతుల్లో 60 పరుగులు చేసి అదిరిపోయే ఆరంభం ఇచ్చాడు.

ముంబైతో జరిగిన మ్యాచ్‌లో నికోలస్ పూరన్ 12 పరుగులు మాత్రమే చేసి అవుటయ్యాడు. రిషబ్ పంత్ వరుసగా నాలుగో మ్యాచ్‌లో విఫలమయ్యాడు.

పూరన్, పంత్ అవుటైన తర్వాత ఐడెన్ మార్క్రమ్, ఆయుష్ బదోని LSGని ఆదుకున్నారు. వీరిద్దరూ కలిసి నాలుగో వికెట్‌కు 51 పరుగుల భాగస్వామ్యం నెలకొల్పారు.

చివరి ఓవర్లలో డేవిడ్ మిల్లర్ ముంబైపై అద్భుతంగా ముగించాడు. 14 బంతుల్లో 3 ఫోర్లు, 1 సిక్సర్ సహాయంతో 27 పరుగులు చేశాడు.

లక్నోతో జరిగిన మ్యాచ్‌లో ముంబై కెప్టెన్ హార్దిక్ పాండ్యా బంతితో విధ్వంసం సృష్టించి 4 ఓవర్లలో 34 పరుగులు ఇచ్చి 5 వికెట్లు పడగొట్టాడు. 

204 పరుగుల లక్ష్యంతో బరిలోకి దిగిన ముంబై ఇండియన్స్ ఇన్నింగ్స్ ఆరంభంలోనే తడబడింది. మూడో ఓవర్లో ఇద్దరు ఓపెనర్లు పెవిలియన్ కు చేరుకున్నారు.

నమన్ ధీర్ ముంబై ఇండియన్స్ కోసం ఎదురుదాడి చేశాడు. 24 బంతుల్లో 46 పరుగుల విధ్వంసకర ఇన్నింగ్స్ ను ఆడాడు.

సూర్యకుమార్ యాదవ్ ఛేదనలో 43 బంతుల్లో 67 పరుగులు చేశాడు. కానీ చివరి వరకు ఆడలేకపోయాడు. దీంతో ముంబై గెలుపు కష్టమైంది.

బౌలింగ్‌లో శార్దూల్ ఠాకూర్, ఆవేశ్ ఖాన్ చివరిలో బాగా రాణించడంతో లక్నో 12 పరుగుల తేడాతో ముంబైని ఓడించింది.