గుడ్ న్యూస్.. ఈ కారు ఓనర్లు టోల్ ఫీజు కట్టక్కర్లేదు.. కానీ ఓ కండీషన్

ప్రస్తుతమున్న ఫాస్టాగ్ సిస్టమ్ మారుతోంది. ఈ ఫాస్టాగ్ ప్లేస్ లో టోల్ వసూలు చేయడానికి గ్లోబల్ నావిగేషన్ శాటిలైట్ సిస్టమ్ (GNSS) విధానం ఉంది.

కొత్త నిబందనల ప్రకారం.. నేషనల్ హైవేపై కొంత దూరం ప్రయాణించే వారు ఇకపై టోల్ ఫీజు చెల్లించాల్సిన అవసరం లేదు. 

జిఎన్ఎస్ఎస్ సదుపాయం ఉన్న కార్లకు నేషనల్ హైవేపై రోజుకి 20 కిలోమీటర్ల వరకు ఫ్రీగా ప్రయాణం చేయొచ్చు. అంటే వీటికి టోల్ చెల్లించాల్సిన అవసరం లేదు.

నేషనల్ హైవేలు, ఎక్స్‌ప్రెస్ హైవేలపై రోజుకి 20 కి.మీ. వరకు ఫ్రీగా ప్రయాణం చేయొచ్చు అన్న నోటిఫికేషన్ ను రోడ్డు రవాణా, రహదారుల మంత్రిత్వ శాఖ విడుదల చేసింది.

20 కిలోమీటర్ల కంటే ఎక్కువ దూరం ప్రయాణించే కార్ల ఓనర్లు ఖచ్చితంగా టోల్ చెల్లించాల్సిందే. అంతేకాకుండా వాణిజ్య అవసరాల కోసం ఉపయోగించే నేషనల్ పర్మిట్ వాహనాలకు ఈ నిబంధన అస్సలు వర్తించదు.

జిఎన్ఎస్ఎస్ ట్యాగ్‌లు వాహన స్థానాన్ని అలాగే వేగాన్ని గుర్తిస్తాయి. కార్లు ప్రయాణించిన దూరం, వేగాన్ని బట్టి టోల్ ఫీజును వసూలు చేస్తారు. కాబట్టి కారు ఆపాల్సిన అవసరం లేదు. 

జిఎన్ఎస్ఎస్ సదుపాయం లేని కార్లు జిఎన్ఎస్ఎస్ ఎక్స్‌క్లూజివ్ రహదారులపై జర్నీ చేస్తే రెట్టింపు టోల్ ఫీజును చెల్లించాల్సి ఉంటుంది.