Vastu Tips: ఇంట్లో తులసి మొక్కను ఏ రోజున నాటితే మంచిదో తెలుసా?

వాస్తు శాస్త్రం ప్రకారం తులసి మొక్కను ఇంట్లో నాటేటప్పుడు కొన్ని నియమాలను పాటించాలి. తప్పుడు రోజు నాటితే ప్రతికూల ఫలితాలు రావొచ్చు.

హిందూ సంప్రదాయం ప్రకారం గురువారం నాడు తులసి మొక్కను నాటడం చాలా శుభప్రదం. అలాగే, విష్ణుమూర్తికి ఇష్టమైన రోజు. కాబట్టి ఆ రోజు తులసి నాటడం వలన ఆయన అనుగ్రహం లభిస్తుందని నమ్ముతారు.

తులసి మొక్కను కార్తీక మాసంలో నాటాలి. ఈ నెల తులసి పూజకు పవిత్రమైనదిగా పరిగణిస్తారు. ఇంట్లో సానుకూల శక్తి  వస్తుంది.

ఎప్పుడూ ఆదివారం నాడు తులసి మొక్కను నాటకూడదు. అంతేకాకుండా, ఆదివారం నాడు తులసిని ముట్టుకోకూడదు, నీరు కూడా పోయకూడదు.

ఏకాదశి రోజున తులసి మొక్కకు నీరు పోయకండి. హిందూ సంప్రదాయం ప్రకారం లక్ష్మీదేవి ఏకాదశి నాడు ఉపవాసం ఉంటుందని, ఆ రోజు తులసికి నీరు పోయడం వల్ల ఆమె ఉపవాసానికి భంగం కలుగుతుందని నమ్ముతారు.

వాస్తు ప్రకారం.. సరైన రోజు, సరైన పద్ధతిలో తులసిని నాటితే ఇంట్లో ధార్మికత, శ్రేయస్సు, శాంతి నెలకొంటాయి. వాస్తు శాస్త్రాన్ని పాటిస్తే మీ జీవితం శుభప్రదంగా మారుతుంది.