ఆపిల్ వాచ్ ఈ వ్యక్తి జీవితాన్ని కాపాడింది.. 48 గంటల్లో 138 సార్లు ఆగిపోయిన గుండె..
By asianet news telugu | First Published Sep 10, 2022, 1:03 PM ISTనార్విచ్‌కు చెందిన 54 ఏళ్ల డేవిడ్ ఈ ఏడాది ఏప్రిల్‌లో తన పుట్టినరోజున అతని భార్య ఆపిల్ వాచ్‌ను గిఫ్ట్ గా ఇచ్చింది. అయితే ఈ వాచ్ ఇప్పుడు డేవిడ్‌కు కొత్త జీవితాన్ని ఇచ్చింది. నివేదిక ప్రకారం, డేవిడ్ హార్ట్ బీట్ 48 గంటల్లో 138 సార్లు ఆగిపోయింది ఇంకా హార్ట్ బీట్ చాలా తక్కువకి పడిపోయింది.
అమెరికన్ టెక్నాలజి కంపెనీ ఆపిల్ ఏదైనా కొత్త ప్రాడక్ట్ లాంచ్ చేసినప్పుడల్ల దాని ధర గురించి చాలా ట్రోల్స్ వస్తుంటాయి. కానీ ప్రజలు ఆపిల్ ప్రాడక్ట్ ప్రాముఖ్యత గురించి తెలుసుకున్నాక ప్రశంసిస్తారు. ఆపిల్ వాచ్ ప్రపంచంలోనే నంబర్ 1 స్మార్ట్‌వాచ్. తాజాగా ఆపిల్ బ్రాండ్ ఆపిల్ వాచ్ అల్ట్రాను లాంచ్ చేసింది, ఈ వాచ్ ఇప్పటి వరకు కంపెనీ అత్యంత ఖరీదైన ఇంకా అత్యంత శక్తివంతమైన స్మార్ట్‌వాచ్. ఆపిల్ వాచ్ ఒకరి జీవితాన్ని కాపాడగలదు అంటే మీరు ఆపిల్ వాచ్ శక్తిని ఊహించవచ్చు. అయితే ఆపిల్ వాచ్ తాజాగా ఇంగ్లాండ్‌కు చెందిన 54 ఏళ్ల వ్యక్తి ప్రాణాలను కాపాడింది.
ఇంగ్లండ్ లోని నార్విచ్‌కు చెందిన 54 ఏళ్ల డేవిడ్ కథ ఇది, ఈ సంవత్సరం ఏప్రిల్‌లో తన పుట్టినరోజు సందర్భంగా అతని భార్య ఆపిల్ వాచ్‌ను గిఫ్ట్ గా ఇచ్చింది. అయితే ఈ వాచ్ ఇప్పుడు డేవిడ్‌కు కొత్త జీవితాన్ని ఇచ్చింది. నివేదిక ప్రకారం, డేవిడ్ హార్ట్ బీట్ 48 గంటల్లో 138 సార్లు ఆగిపోయింది ఇంకా ఇంకా హార్ట్ బీట్ చాలా తక్కువకి పడిపోయింది.
Latest Videos
undefined
ఒకరోజు ఆపిల్ వాచ్ డేవిడ్ కి హార్ట్ బీట్ రేటు 30bpm మాత్రమేనని చూపించింది, అయితే సాధారణంగా హార్ట్ బీట్ నిమిషానికి 60-100bpm మధ్య ఉండాలి. కానీ డేవిడ్ స్మార్ట్‌వాచ్‌లోనే ఏదో సమస్య ఉందని అందుకే ఇలా తక్కువగా చూపిస్తుందని మొదట భావించాడు, అయితే ఈ వాచ్ ప్రతిరోజూ ఇలాగే హార్ట్ బీట్ రేటు రిపోర్ట్ ఇస్తోంది. వాచ్ నుండి వస్తున్న నిరంతర వార్ణింగ్స్ అనుసరించి, డేవిడ్ నార్విచ్ యూనివర్శిటీ హాస్పిటల్‌లో కార్డియాలజిస్ట్‌ని కలిశాడు, అక్కడ డేవిడ్ కి MRI అండ్ ECG జరిగింది.
మెడికల్ టెస్ట్ చేసిన ఒక రోజు తర్వాత డేవిడ్‌ను ఆసుపత్రికి పిలిచి అతను థర్డ్ డిగ్రీ హార్ట్ బ్లాక్‌లో ఉన్నాడని, అతనికి ఎప్పుడైనా గుండెపోటు రావచ్చని చెప్పారు. తరువాత డేవిడ్‌కి బైపాస్ సర్జరీ చేసి పేస్‌మేకర్‌ని అమర్చారు.
సర్జరీ తర్వాత డేవిడ్ మాట్లాడుతూ,"నా ప్రాణాన్ని నా భార్య కాపాడిందని చెప్పింది, ఆమె చెప్పినదాంట్లో తప్పులేదు. నా పుట్టినరోజున నాకోసం ఆపిల్ వాచ్‌ని కొని ఉండకపోతే, ఈరోజు నేను బతికే ఉండేవాడిని కాదు. ఛార్జింగ్ చేసేటప్పుడు తప్ప ఈ వాచ్ ఎప్పుడు నాతో ఉంటుంది." అని అన్నారు. బ్రిటన్‌లో ప్రతిరోజూ 12 మంది గుండెపోటుతో బాధపడుతున్నారు, వీరి సగటు వయస్సు కూడా కేవలం 35 సంవత్సరాలు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి