ఉస్మానియా భూములు ఖబ్జా కాకుండా కాపాడలిసిన బాధ్యత రాష్ట్ర ప్రభుత్వం మీదే ఉంటుందని తెలిపింది ఉస్మానియా అలుమ్ని యూకే & యూరప్. ఆ భూములను కాపాడాలని ఈ సంస్థ తెలంగాణ ప్రభుత్వానికి లేఖ రాసింది
ఉస్మానియా భూములు ఖబ్జా కాకుండా కాపాడలిసిన బాధ్యత రాష్ట్ర ప్రభుత్వం మీదే ఉంటుందని తెలిపింది ఉస్మానియా అలుమ్ని యూకే & యూరప్. ఆ భూములను కాపాడాలని ఈ సంస్థ తెలంగాణ ప్రభుత్వానికి లేఖ రాసింది.
డి డి కాలనిలో ఉస్మానియా భూమి లో ఆక్రమించి కట్టడాలు నిర్మించడం తగదని ఈ సంస్థ ప్రతినిధులు అన్నారు. అసలు జీహెచ్ఎంసీ అనుమతులు ఎలా ఇచ్చిందో పున: పరిశీలన చేయాలని అలుమ్ని కోరింది.
అనేక సామాజిక ఉద్యమాలకు ఉస్మానియా యూనివర్సిటీ జీవం పోసిందని, తెలంగాణ ఉద్యమంలో కీలక పాత్ర పోషించిందని ఈ సంస్థ గుర్తుచేసింది. అలాంటి వర్సిటీని అన్ని రకాలుగా కాపాడుకోవాల్సిన బాధ్యత ప్రభుత్వంతో పాటు పూర్వ విద్యార్ధులకు కూడా ఉంటుందని అలుమ్ని తెలిపింది.
Also Read:ఓయూలో కాంగ్రెస్ నేతల టూర్, ఉద్రిక్తత: విద్యార్థుల ఆందోళన
ముఖ్యమంత్రి కేసీఆర్ ప్రత్యేక చొరవ చూపి ఉస్మానియా భూములపై సమగ్ర సర్వే చేయించి భవిష్యత్తులో ఇవి మరోసారి కబ్జా కాకుండా చూడాలని ఈ సంస్థ ప్రతినిధులు కోరారు.
ప్రభుత్వంతో పాటు స్థానిక ప్రజలు కూడా ఉస్మానియాకి అండగా నిలవాలని, పోలీస్ శాఖ సైతం అక్రమ కట్టడాలు జరగకుండా చూడాలని ఉస్మానియా అలుమ్ని ఛైర్మన్ గంప వేణుగోపాల్, అధ్యక్షుడు సుధాకర్ గౌడ్, మహేశ్ జమ్ముల, కోరారు.