అమెరికాలో సిక్కు కుటుంబం కాల్చి వేత: నలుగురు దుర్మరణం

అమెరికాలో దారుణం జరిగింది. భారత సంతతికి చెందిన సిక్కు కుటుంబాన్ని గుర్తు తెలియని వ్యక్తులు దారుణంగా కాల్చి చంపారు. వివరాల్లోకి వెళితే.. సిన్సినాటి సబర్బ్ ప్రాంతంలోని ఓహియో అపార్ట్‌మెంట్‌లో ఆదివారం ఉదయం నాలుగు మృతదేహాలు ఉండటాన్ని గుర్తించిన ఓ వ్యక్తి పోలీసులకు సమాచారం అందించాడు.

అక్కడికి చేరుకున్న పోలీసులు దుండగుల కాల్పుల్లో వీరు మరణించినట్లుగా ధ్రువీకరించారు. మృతుల్లో ముగ్గురు మహిళలు, ఒక పురుషుడు ఉన్నారు. వీరి మరణం పట్ల స్థానిక సిక్కు పెద్దలు దిగ్భ్రాంతి వ్యక్తం చేశారు. ఈ ఘాతుకానికి పాల్పడిన వారి కోసం పోలీసులు గాలిస్తున్నారు.