అదరగొట్టిన షియోమీ: ఫెస్టివ్ సీజన్ లో 25 శాతం పెరిగిన సేల్స్
By narsimha lode | First Published Oct 6, 2019, 11:54 AM ISTచైనాకు చెందిన షియామీ భారత్ లో రికార్డు స్థాయిలో మొబైల్ ఫోన్లను విక్రయించింది.
న్యూఢిల్లీ: చైనాకు చెందిన స్మార్ట్ ఫోన్ తయారీ దిగ్గజం షియోమీ ప్రస్తుత పండుగ సీజన్లో రికార్డు స్థాయి అమ్మకాలు సాధించింది. దసరా ముందు నిర్వహించిన ప్రత్యేక సేల్ ద్వారా మొత్తం 53 లక్షల డివైస్లు విక్రయించినట్లు శనివారం వెల్లడించింది. వీటిలో మొత్తం 38 లక్షల స్మార్ట్ఫోన్లు ఉన్నట్లు తెలిపింది.
గతేడాది ఇదే పండుగ సీజన్తో పోలిస్తే 25 శాతం అమ్మకాలు పెరిగినట్లు షియోమీ పేర్కొంది. 2018లో ఈ సంస్థ మొత్తం 25 లక్షల స్మార్ట్ఫోన్లు విక్రయించింది. ఈ పండుగ సీజన్లో షియోమీ భారీ అమ్మకాలు సాధించింది. మొత్తం 53 లక్షల డివైస్లు (38 లక్షల స్మార్ట్ఫోన్లు) విక్రయమయ్యాయి.
Latest Videos
undefined
‘ఈ కామర్స్ దిగ్గజాలైన అమెజాన్, ఫ్లిప్కార్ట్లలో రెడ్ మీ నోట్ 7 ఉత్తమ సెల్లింగ్ స్మార్ట్ ఫోన్గా నిలిచింది. మొత్తం మీద ఈ సీజన్లో సెకనుకు 535 డివైస్ల చొప్పున అమ్ముడయ్యాయి’ అని షియోమీ ఇండియా ఆన్లైన్ సేల్స్ అధిపతి రఘు రెడ్డి చెప్పారు.
ఎంఐ డాట్కామ్ సహా ఇతర ఈ కామర్స్ భాగస్వాములతో కలిపి షియోమీ సంస్థ.. స్మార్ట్ ఫోన్లు, ఎంఐటీవీ, ఎంఐ బ్యాండ్, ఎంఐ పవర్బ్యాంక్లు, ఎంఐ ఇయర్ఫోన్స్, ఎంఐ ఇకోసిస్టమ్ డివైస్ల వంటి ఎలక్ట్రానిక్ ఉత్పత్తులను విక్రయించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి