తెలుగు కవిత: కోలిమికి భరోసా కావాలి
By telugu team | First Published Oct 25, 2019, 4:01 PM ISTకొలిమికి భరోసా కావాలి అంటూ దాసోజు కృష్ణమాచారి కవిత రాశారు ఆయన కవితలో కులవృత్తికి సంబంధించిన అంశం ఉంది. తెలుగు సాహిత్యంలో అదో పాయగా కొనసాగుతోంది.
రాష్ట్రమంతా బతుకమ్మ ను
ఎత్తుకోని తిరుగుతుంది
ఉత్పత్తి వృత్తి శవాన్ని
మెసుకు తీర్గుతుంది
గంజి నీళ్ళుయినా తాగి బతుకుదామంటే
బంగారం సిగ్గు దీసై
ద్రావకం ధూప తీరిసింది..
Latest Videos
undefined
పెయ్యికేసిన జంజం పోగుల గూడును
యే చెట్టుకు ఎలాడదియ్యను
నిలువ నీడ లేక
భూమిల రాసుకున్న!!
వృత్తి అంటరానిదైందని
మీ రాతి బండల మీద
శిలాఫలకాన్ని చేసి చేక్కమంటారా..?
రండి హస్తిపంజరాన్ని పంచనామా చేసి
ఇది బంగారు తెలంగాణ అని
ఇది బంగారు బతుకమ్మ అని
ఎర్ర తివాచీ పరిచి మ్యూజియం లో పెట్టుకోండి
అయినా ఉత్పత్తి ఎముకనయి అడుగుతున్నా ?
కోలిమికి భరోసా కావాలి!!
కలల గూడుకు అసరా కావాలి.
- దాసోజు కృష్ణమాచారి
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి