మోహనకృష్ణన్ కలడి మలయాళీ కవిత: పాల ఐస్
By telugu team | First Published Feb 23, 2021, 12:42 PM ISTఇరుగు పొరుగు శీర్షిక కింద ప్రముఖ కవి వారాల ఆనంద్ మోహన్ కృష్ణన్ కలడి మలయాళీ కవితను తెలుగులో అందించారు. ఆ కవితను ఇక్కడ చదవండి.
ఓ నా పలకా
ఓ నా పెన్సిల్
మీరిద్దరూ
నా లెక్కలన్నీ చేసి పెడితే
మీకు పాల ఐస్ కొనిపెడతాను
ఒక్కటి కాదు
ఇద్దరికీ చెరోటి కొనిపెడతాను
ఓ పలకా
నువ్వు నా లెక్కలు తప్పుగా చేస్తే
నిన్ను నేలక్కొట్టి పగులగొడతాను
ఓ పెన్సిల్
నిన్నయితే
గట్టిగా గోడకొట్టి విరగ్గొడతాను
ఇదంతా
నాకు లెక్కలు చేయడం రాక కాదు
ఇప్పుడు నాకు నిద్రొస్తుందనీ కాదు
ఈ ప్లేట్ల కుప్పల్ని కడిగి పెట్టకపోతే
ఈ నీళ్ళ డ్రమ్ముల్ని నిండా నింపకపోతే
వాళ్ళు నన్ను
పచ్చడి పచ్చడి గా నలగ్గొట్టరూ.....
Latest Videos
మలయాళీ మూలం: మోహనకృష్ణన్ కలడి
ఇంగ్లీష్: వి.ఆర్.అచ్యుతన్
తెలుగు: వారాల ఆనంద్
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి