ఇరుగు పొరుగు: రూపి కౌర్ మరి కొన్ని కవితలు

By telugu team | First Published Jun 22, 2021, 6:23 PM IST

ఇరుగు పొరుగు కింద రూపీ కౌర్ కవితలను కొన్నింటిని ప్రముఖ కవి వారాల ఆనంద్ తెలుగులో అందించారు. వాటిని ఇక్కడ చదవండి.

నువ్వు నీ ఏకాంతం తో
ప్రేమలో పడు
* *
నేను నీటిని
ప్రాణాన్ని ఇచ్చేంత
మెత్తని దాన్ని
నీటిలో ముంచేసే
కఠినమయినదాన్ని కూడా
* *
ప్రేమ క్రూరమయింది కాదు
మనమే కౄరులం
ప్రేమ ఒక ఆట కాదు
మనమే ప్రేమలోంచి
ఓ ఆటను సృష్టించాం
* *
నా నాలుక చేదుగా వుంది
నిన్ను కోల్పోయిన ఆకలితో
* *
మనం నిజాయితీగా మొదలయ్యాం
దాన్ని నిజాయితీగానే ముగిద్దాం
* *
మనుషులు వెళ్ళిపోతారు
కానీ
ఎట్లా వెళ్లి పోయారన్నది
ఎప్పటికీ వుండిపోతుంది