బుదారపు లావణ్య కవిత : ఒకరికి ఒకరై
By Arun Kumar P | First Published Jun 2, 2022, 4:01 PM ISTఆకాశవీధిలో పయనిద్దాం ప్రపంచాన్ని మరిచిపోయి అంటూ జనగామ నుండి రాస్తున్న బుదారపు లావణ్య కవిత " ఒకరికి ఒకరై " ఇక్కడ చదవండి.
నీలి మేఘాలలో
గాలి కెరటాలమై
నిరంతరం సంచరిద్దాం
ఇరువురం ఒకటై....
తారల తళుకులలో
తనువంతా పెనవేసుకొని
తన్మయంతో.....
పంచుకుందాం వలపులన్ని
Latest Videos
తెల్లని మనసుపై రంగుల
హరివిల్లును అద్దుకొని
గగనవిహారం చేద్దాం
జంట పావురమై....
మరులు గొలిపే ప్రేమలో
మరువలేని జ్ఞాపకాలు
మది నిండా నింపుకొని
మయూరమై నాట్యం
చేద్దాం ఒకరికి ఒకరై....
సృష్టిలోని అందాలన్నీ ఆస్వాదిస్తూ.....
నీకు నేనై నాకు నువ్వై
ఒకరికి ఒకరై
ఆకాశవీధిలో పయనిద్దాం
ప్రపంచాన్ని మరిచిపోయి
ఆకాశవీధిలో పయనిద్దాం
ప్రపంచాన్ని మరిచిపోయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి