అరుణ ధూళిపాళ కవిత : మార్చుకో నిన్ను నీవు !!
By SumaBala Bukka | First Published Nov 18, 2023, 12:35 PM ISTగమ్యం నీకు చేరువలో లేదంటే తప్పు నీదే అవుతుంది అంటూ అరుణ ధూళిపాళ రాసిన కవిత ' మార్చుకో నిన్ను నీవు !!'
మనిషి మనసు తపనల్లో
తుది దాకా చేరని ఆశలు
గుండె మంటలో ఆవిరైపోతాయి
గాయాలు అందులోనే పుట్టి,
అక్కడే కనుమరుగవుతాయి
గమ్యం నీకు చేరువలో లేదంటే
తప్పు నీదే అవుతుంది
స్థితులు, గతులు
తప్పుకోవడానికి ఆసరాలు
తప్పించుకోవడం అంటే,
ఆత్మను బలిపెట్టడమే
Latest Videos
undefined
కావాలనుకున్నది కానప్పుడు
అవకాశమే సొంతమవుతుంది
ఆట ఎక్కడ మొదలయిందో అర్థమవ్వాలంటే
తవ్వి చూడాలి ఆత్మను నిశితంగా
గత చరిత్రను శోధించినట్టు
మంచి, చెడుల నీలినీడల
గురుతులను సేకరించాలి
అడుగంటిన సత్తువను వెలికి తీసి
అంతరంగపు సంఘర్షణలకు ముసుగేసి
ఆలోచనలకు పదునుపెట్టి
నీలోని నిన్ను మార్చుకొని చూడు
మనిషిగా పుట్టిన విలువ
సమాజానికి సమాధానమవుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి