Naga panchami
Naga Panchami 18th January Episode: పంచమి, మోక్ష ఫణీంద్ర చెప్పినదానికి సిద్ధమౌతారు. నాగలోకానికి సులభంగా వెళ్లేలా ఓ మంత్రం చెబుతానని ఫణీంద్ర చెబుతాడు. ఆ విషయం ముందుగానే కారాళీ తెలుసుకుంటుంది. తనను తాను పంచమి రూపంలో మార్చుకునేలా కాళీమాత కు పూజలు చేసి.. ఆ వరం పొందుతుంది.ఆమె వరం ఇవ్వడంతో.. పంచమి రూపం పొందుతుంది.
Naga panchami
తర్వాత.. ఫణీంద్ర ఒంటరిగా ఉన్న సమయంలో..ఫణీంద్ర వద్దకు వెళ్లి.. మంత్రం తెలుసుకుంది. తర్వాత అక్కడి నుంచి వెళ్లిపోతుంది. నిజంగా మంత్రం పంచమికే చెప్పానని ఫణీంద్ర భావిస్తాడు. తర్వా.. మళ్లీ పంచమి ఉన్న ప్లేస్ కి వెళతాడు. మంత్రం చెప్పేశాను కదా అనే ధైర్యంతో .. పంచమితో.. మోక్షను కాటు వేయమని చెబుతాడు. పంచమిగా మారిన వెంటనే కాటు వేస్తే.. విషం కాస్త తక్కుగా ఉంటుందని.. ఆలస్యం చేస్తే విషం ఎక్కువగా ఉంటుందని చెబుతాడు.
Naga panchami
ఎలాగైనా మోక్షను కాపాడాలని నిర్ణయించుకున్న పంచమి.. పాములా మారి.. మోక్షను కాటు వేస్తుంది. ఆ తర్వాత మోక్ష నొప్పితో విపరీతంగా బాధపడుతూ ఉంటాడు. అది చూసి.. వెంటనే మంత్రం చదివి నాగలోకానికి వెళ్లమని ఫణీంద్ర చెబుతాడు. అయితే.. పంచమి మంత్రం చెప్పమని అడుగుతుంది. ఆల్రెడీ చెప్పాను కదా అని ఫణీంద్ర అంటాడు. అంతే.. నువ్వు మోసం చేశావని పంచమి కోప్పడుతుంది. నువ్వు నాశనం అయిపోతావంటూ శాపనార్థాలు కూడా పెడుతుంది.
Naga panchami
పక్కనే ఉన్న స్వామిజీ మరోసారి మంత్రం చెప్పమని అంటాడు. అలా చెప్పలేమని, ఒకరికి ఒక్కసారి మాత్రమే చెప్పగలం అని ఫణీంద్ర చెబుతాడు. దీంతో.. పంచమి, మోక్షను పట్టుకొని బాగా ఏడుస్తుంది. ఇక ఇప్పుడు మనం నాగలోకానికి వెళ్లలేం అని.. ప్రత్యామ్నాయం చూద్దాం అని ఫణీంద్ర అంటాడు. స్వామిజీ తన వద్ద ఉన్న మూలికలను మోక్ష నోటిలో పెట్టి.. తనకు తెలిసిన వైద్యం చేస్తూ ఉంటాడు. ఇక.. ఫణీంద్ర కూడా పాములా మారి.. సాధ్యమైనంత వరకు విషయాన్ని బయటకు తీస్తూ ఉంటాడు.
మరోవైపు మోక్ష ఇంటికి వచ్చే వరకు భోజనం చేయనని వైదేహి పట్టుపడుతుంది. ఇంట్లో వాళ్లంతా మోక్ష వచ్చేస్తాడని ఓదారుస్తుంటే.. చిత్ర, జ్వాల మాత్రం.. మోక్ష ఇంక తిరిగిరాడు అని బాంబు పేలుస్తారు. మోక్షను పంచమి చంపేస్తుందని భయపెడతారు.
Naga panchami
మరోవైపు పంచమి రూపంలో ఉన్న కరాళి.. ఫణీంద్ర దగ్గర నేర్చుకున్న మంత్రంతో నాగలోకానికి చేరుకుంటుంది. నాగలోకంలో ఉన్న అందాలను చూసి మైమరిచి పోతుంది. తనని తాను నాగ లోకానికి యువరాణిలా ఊహించుకొని సంబరపడిపోతుంది. అక్కడకు వెళ్లిన తర్వాత.. నెమ్మదిగా నాగమణిని కొట్టేయడానికి ప్లాన్ చేస్తుంది. మరోవైపు పంచమి.. మోక్షను కాపాడలేకపోతున్నందుకు బాధపడుతుంది. తనను కూడా చంపేయమంటూ ఫణీంద్రను వేడుకుంటుంది. మరి.. ఈ ప్రమాదం నుంచి..మోక్ష ఎలా బయటపడతాడో చూడాలి. సుబ్రహ్మణ్య స్వామి వచ్చి కాపాడతాడేమో చూడాలి. మరోవైపు కరాళి చేతికి నాగమణి అందకుండా ఉండేలా నాగదేవత అడ్డుకుంటుందో లేదో చూడాలి.