నేను మంచి సినిమాలే చేశా, కానీ మెగాస్టార్‌ కాలేదు.. బాలకృష్ణ కూడా అంతే.. శివాజీ బోల్డ్ కామెంట్‌..

బిగ్‌ బాస్‌ తో మరోసారి పాపులర్‌ అయ్యారు నటుడు శివాజీ. ఇప్పుడు ఆయన చేస్తున్న కామెంట్లు వైరల్‌ అవుతున్నాయి. అందులో భాగంగా చిరంజీవికి, బాలయ్యకి ముడిపెడుతూ బోల్డ్ కామెంట్‌ చేశాడు.

నటుడు శివాజీ `బిగ్‌ బాస్‌`కి వెళ్లాక మరింత పాపులర్‌ అయ్యాడు. ఒకప్పుడు హీరోగా ఆయన మంచి స్థాయిలో ఉన్నారు. కామెడీ, ఫ్యామిలీ చిత్రాలతో అలరించారు. విజయాలు అందుకున్నారు. స్టార్‌ ఇమేజ్‌ని సొంతం చేసుకున్నాడు. కానీ క్రమంగా పరాజయాలు, రాజకీయాల్లోకి వెళ్లడంతో సినిమా కెరీర్‌కి బ్రేక్‌ వచ్చింది. ఇటీవల మళ్లీ ట్రాక్‌లోకి వచ్చాడు. `బిగ్‌ బాస్‌`లోకి వెళ్లాక ఆయనకు క్రేజ్‌ వచ్చింది. ఆయన చేసే ప్రతి కామెంట్‌ హైలైట్‌గా, వైరల్‌గా మారుతుంది. 

Chiranjeevi-Balakrishna Multi starer

ఇటీవల రాజకీయాలపై శివాజీ హాట్‌ కామెంట్లు చేస్తున్నారు. ఏపీలో రాజకీయాలు హాట్‌గా మారిన నేపథ్యంలో శివాజీ వ్యాఖ్యలు మరింత హీటెక్కిస్తున్నాయి. మరోవైపు సినిమా రంగంపై ఆయన చేసే కామెంట్లు కూడా అంతే హాట్‌ హాట్‌గా ఉండటం విశేషం. అందులో భాగంగా తాజాగా బాలకృష్ణ గురించి ఓపెన్‌ అయ్యాడు శివాజీ. మెగాస్టార్‌తో పోల్చుతూ హాట్‌ కామెంట్‌ చేశాడు.  

Chiranjeevi-Balakrishna Multi starer

బాలకృష్ణ నాయకత్వ లక్షణాలు, సీఎం పొజీషన్‌ గురించి జర్నలిస్ట్ అడిగిన ప్రశ్నకి శివాజీ బోల్డ్ గా సమాధానం చెప్పాడు. తాను సినిమాల్లో చాలా కాలం ఉన్నాను. చాలా హిట్స్ వచ్చాయి. మంచి సినిమాలే చేశాను. నేను మెగాస్టార్‌ని ఎందుకు కాలేకపోయాను, నేనే కాదు, చాలా మంది హీరోలు ఉన్నారు కానీ వాళ్లెవరూ మెగాస్టార్‌ కాలేదు. చిరంజీవి మాత్రమే ఆ స్థాయికి వెళ్లారు. మరి మేమంతా ఎందుకు కాలేదు అని ప్రశ్నించాడు శివాజీ. 

అలాగే బాలకృష్ణ నాయకత్వ లక్షణాలు, సీఎం పదవికి కూడా అంతే అని, అది కొందరికే సాధ్యమని, అందరు కాలేరని తెలిపారు. బాలకృష్ణ విషయంలోనూ అంతే అని, ఆయన కాలేదంటే దానికి సమాధానం లేదని, తానేం చెప్పలేనని తెలిపారు. కాలమే అన్నీ నిర్ణయిస్తుందని, టాలెంట్‌ ఉంటే ఎవరిని ఎవరూ ఆపలేరని, ఎలాగైనా వస్తారని తెలిపారు. మెగాస్టార్‌ని దాటి ప్రభాస్‌ వచ్చినట్టు రాజకీయాల్లోనూ అది జరుగుతుందని, రేప్పొద్దున్న ఎన్టీఆర్‌ రాజకీయాలకు రావచ్చు అన్నారు. ఏమైనా కావచ్చు. ఇప్పుడు వద్దు అని ఆయన భావించి రాజకీయాలకు దూరంగా ఉండొచ్చు, లేదంటే చంద్రబాబుతో, బాలయ్యతో గొడవలు ఉండొచ్చు, అవన్నీ ఫ్యామిలీ మ్యాటర్స్, ఫ్యామిలీ అన్నాక చాలా గొడవలు, మనస్పర్థాలు ఉంటాయని తెలిపారు శివాజీ. 

ఈ క్రమంలో చిరంజీవి మెగాస్టార్‌ అయ్యాడు.. అలాగే బాలయ్య సీఎం కాలేదంటే ఆయనకు ఆ స్థాయి లేదా అనే అర్థంలో శివాజీ మాట్లాడటం గమనార్హం. తన తాత పార్టీ కాబట్టి ఎన్టీఆర్‌ కూడా భవిష్యత్‌లో రాజకీయాలకు రావచ్చు అన్నారు. అదే సమయంలో చంద్రబాబు మూడు సార్లు సీఎం అయ్యాడు. దీంతో ఆయన కొడుకు లోకేష్‌ కూడా తనకు సీఎం కావాలని ఆశ ఉండొచ్చు. ఆయన ఆ ప్రయత్నాలు చేయోచ్చు. దాన్ని కూడా కాలమే నిర్ణయిస్తుందని తెలిపారు శివాజీ.  శివాజీ బిగ్‌ బాస్‌ తర్వాత మీడియాలో యాక్టివ్‌గా ఉంటున్నారు. తన ఫ్రెండ్‌ బిగ్‌ బాస్‌ 7 విన్నర్‌ పల్లవి ప్రశాంత్‌తో కలిసి ఎంజాయ్‌ చేస్తున్నారు. ఆ మధ్య `90 మిడిల్‌ క్లాస్‌` వెబ్‌ సిరీస్‌ చేశాడు శివాజీ. ఇప్పుడు సినిమాల్లోనూ రీఎంట్రీ ఇస్తున్నారు.