టాలీవుడ్ యంగ్ హీరోయిన్ కృతి శెట్టి ఇంట్రెస్టింగ్ కామెంట్స్ చేశారు. స్టార్ డైరెక్టర్ లింగు స్వామి వల్ల తాను ఇబ్బంది పడ్డానంటోంది బ్యూటీ. ఇంతకీ అంతాలా కృతిని ఆయన ఏం ఇబ్బంది పెట్టాడు...?
టాలీవుడ్ ఇండస్ట్రీలో ఒక్క సినిమాతో స్టార్ డమ్ తెచ్చుకున్న బ్యూటీ కృతి శెట్టి. బేబ్బమ్మగా పాపులర్ అయిన కృతి వరుస సినిమాలు హిట్ కొట్టి.. హాట్రిక్ సక్సెస్ తో దూసుకుపోయింది. చిన్న వయస్సులోనే అంటే 20 ఏళ్లు నిండకుండానే స్టార్ డమ్ చూసిన ఈ చిన్నది.. ఇప్పుడు రేసులో వెనకబడిపోయింది.
వరుస సినిమాలతో హ్యాట్రిక్ కొట్టి.. కుర్రాళ్ల చేత తన అందంతో కేక పెట్టించిన ఈ ముద్దుగుమ్మ ప్రస్తుతం ఒక్క హిట్ కోసం అల్లాడి పోతుంది. తెలుగులో వరుసగా నాలుగు హిట్లు అందుకున్న ఈ బ్యూటీ ఆ తర్వాత హిట్ అన్న పదానికి దూరంగా వెళ్లిపోయింది. రీసెంట్ గా తన సినిమాల గురించి ఇంట్రెస్టింగ్ కామెంట్స్ చేసింది కృతి శెట్టి.
ఆమధ్య ఓ ఇంటర్వ్యూలో మాట్లాడుతూ తనకు ఓ సినిమా షూటింగ్ లో ఎదురైన చిత్ర విచ్రమైన అనుభవాన్ని పంచుకుంది బ్యూటీ.ఓ స్టార్ డైరెక్టర్ కారణంగా తాను ఇబ్బంది పడ్డట్లు తెలిపింది బేబమ్మ. ఇంటర్వ్యూలో ఆమె మాట్లాడుతూ.. నా మాతృభాష తుళు.. అయితే తెలుగు సినిమాలు చేయడం మూలంగా తెలుగు బాగానే మాట్లాడతాను. కాని నాకు తమిళం అస్సలు రాదు అన్నారు కృతి శెట్టి.
ది వారియర్ మూవీ చేస్తున్నప్పుడు.. ఆ సినిమా దర్శకుడు లింగుసామిగారికి తెలుగు వచ్చు కాని.. ఆయన తెలుగులో తమిళ యాస ఉంటుంది. నాకు ఆ తమిళ్ మిక్స్ తెలుగు అసలు అర్ధం అయ్యేది కాదు. తమిళ్ తెలియదు. అందువలన ఆయన మాట్లాడే తెలుగు అర్థం అయ్యేది కాదని తెలిపింది. ఇలా ఒక వారం రోజుల పాటు ఇబ్బంది పడాల్సి వచ్చిందంటోంది బ్యూటీ.
ఈసినిమా హీరో రామ్ కి తమిళం బాగా వచ్చు. అందువలన ఈ సినిమా షూటింగ్ సమయంలో ఆయనకు ఎటువంటి ఇబ్బంది కలగలేదు అన్నారు కృతి శెట్టి. ఇక తరువాత రోజుల్లో రామ్ సపోర్ట్ తీసుకున్నాను కాబట్టే ఈమూవీ కంప్లీట్ చేయగలిగాను అన్నారు కృతి శెట్టి. ఆతువాత తరువాత... ఆమె కూడా లింగుసామి తెలుగు యాసకు అలవాటు పడిపోయానని తెలిపింది.
ఇక బుచ్చిబాబు దర్శకత్వంలో వైష్ణవ్ తేజ్ హీరోగా నటించిన ఉప్పెన సినిమాతో ఓవర్ నైట్ స్టార్ హీరోయిన్ అయింది కృతి శెట్టి. ఉప్పెన సినిమాతో వచ్చిన క్రేజ్‌ను బాగానే యూజ్ చేసుకుంటోంది. వరుసగా ఆఫర్లు సాధించింది. కాని ప్రస్తుంతం సినిమాలు తగ్గడంతో సోషల్ మీడియాలో ఇమేజ్ పెంచుకునే పనిలో పడింది.